Рашт: Занони рӯзгордида доир ба маърифати оиладорӣ сухан гуфтанд

Душанбе, 19.09.2016 /АМИТ «Ховар»/. Масъулини Кумитаи ҷавонон варзиш ва сайёҳии назди Ҳукумати Ҷумҳурии Тоҷикистон дар доираи сафари корӣ ба минтақаи Рашт дар мавзӯи «Оила ҳамчун ниҳоди иҷтимоӣ ва макони тарбияи фарзанд» суҳбати судманд доир карданд.
Дар мулоқот доир ба маърифати оиладорӣ ва муносибатҳои оилавӣ, пешгирии сатҳи бекоршавии ақди никоҳ дар байни оилаҳои ҷавон ва пешгирии никоҳи хешутаборӣ маълумоти зарурӣ дода шуд.
Дилошӯб Розиқов, намояндаи Кумитаи ҷавонон, варзиш ва сайёҳӣ вобаста ба масъалаи муносибати оилавӣ, раванди тарбияи фарзанд дар оила, назорати доимии волидайн аз болои фарзандон ва роҳҳои муваффақ гардидан дар зиндагиро ба ҷавонон фаҳмонида, онҳоро ба интихоби роҳи дурусти ҳаёт ҳидоят намуд.
Дар суҳбат занони рўзгордида иштирок намуда, аз ҳаёти худ қиссаҳои ҷолиб намуданд ва дар зиндагӣ мубориз буданро ба ҷавонон тавсия доданд.
Дар дигар ноҳияҳои минтақаи Рашт низ баргузории чунин вохӯрию суҳбатҳо пешбинӣ шудааст.