Суғд: баргузории намоиши дастовардҳои ҳизбиён бахшида ба 25-солагии Истиқлолияти Тоҷикистон

Хуҷанд, 08.09.2016. /АМИТ «Ховар»/. Бахшида ба 25-умин солгарди Истиқлолияти давлатии Ҷумҳурии Тоҷикистон дар Кумитаи иҷроияи ҲХДТ дар вилояти Суғд намоиши дастовардҳои ҳизбиёни вилояти Суғд баргузор гардид. Чуноне ки ба АМИТ «Ховар» масъулин аз бахши ташкилии ҳизби вилоятӣ иттилоъ доданд, мақсади намоишгоҳ- пеш аз ҳама, ифода намудани дастовардҳои соҳаҳои гуногуни хоҷагии халқи кишвар, аз ҷумла илм, фарҳанг, ҳунар, кишоварзӣ, тиб, варзиш ва анъанаҳои ниёгон дар даврони соҳибистиқлолии кишвар ба ҳисоб меравад.
Дар маҷмӯъ, дар намоишгоҳ наздик ба 20 гӯша ташкил шуда буд, ки тамошои он ба ҳар як бинанда таассуроти амиқ мебахшид. Аз ҷумла: гӯшаи «Туҳфаи истиқлол», ки таҷассумгари дастовардҳои даврони истиклолият, амалишавии иқдомҳои наҷиби Ҳукумати кишвар дар самти иҷтимоиёт ва сохтмонҳои азими кишвар, «Ғунчаҳои даврони истиқлол»- баёнгари насли солими даврони соҳибистиқлол, «Файзи рӯзгор»- ифодакунандаи рамзи фаровонии дастурхони мардум ва кадбонуҳои тоҷик, «Чашмандоз», «Қолинбофӣ ҳунари аҷдодӣ», «Адрас либоси сулҳ» ва «Мӯҳрбофӣ»- муаррификунандаи ҳунарҳои дастии милии бонувони тоҷик, «Варзиш қосиди сулх» доир ба дастовардҳои варзишгарони тоҷик дар давоми 25 соли соҳибистиқлолии кишвар ба ҳар як иштирокчӣ ва бинандаи намоишгоҳ маълумоти амик медоданд.