Суди ноҳияи Рашт Айнидин Саидбурҳоновро бо моддаи 195 қисми 2 гунаҳгор донист

Рашт, 06.09.2016. /АМИТ «Ховар»/. Суди ноҳияи Рашт Саидбурҳонов Айнидин Сайдаминович, зодаи ноҳияи Раштро дар содир намудани ҷиноят бо моддаи 195, қисми 2 бандҳои «б,в» КҶ Ҷумҳурии Тоҷикистон, гунаҳгор дониста, ба ӯ бо ин қисми модда ҷазо дар намуди маҳрум сохтан аз озодӣ ба муҳлати 5 (панҷ) сол бо нигоҳ доштан дар муассисаи ислоҳии низомаш пурзӯр равонаи зиндон намуд.
Далели шайъӣ як адад яроқи оташфишони тамғаи «ТОЗ-16», бе соли барориш, як адад яроқи оташфишони тамғаи «ТОЗ-16», соли бароришаш 1952, як адад яроқи оташфишони дастии рахпечи ҷангӣ, автомати Калашников, тамғаи «АКМ» бо силсилаи АЛ таҳти №7078, соли бароришаш 1973 бо як адад тирдон ва 20 адад патрони яроқи оташфишони Калашников, ки аз Саидбурҳонов Айнидин дарёфт карда гирифта шудааст, дар бинои РВКД дар минтақа ва ноҳияи Рашт нигоҳ дошта мешавад.
Пас аз эътибори қонунӣ пайдо намудани ҳукми мазкур яроқҳо ба ихтиёри Вазорати корҳои дохилии Ҷумҳурии Тоҷикистон супорида мешаванд.