Ёвон: Марафони ноҳиявӣ бахшида ба 25-солагии Истиқлолияти давлатии Тоҷикистон
Душанбе, 03.09.2016. /АМИТ «Ховар»/. Бо ташаббуси Кумитаи иҷроияи Ҳизби Халқии Демократии Тоҷикистон дар ноҳияи Ёвон ва филиали КВД «Маркази ҷумҳуриявии иттилоот ва тамоюли ҷавонон» дар ноҳияи Ёвон ба ифтихори 25-солагии Истиқлолияти давлатии Ҷумҳурии Тоҷикистон ва дастоварди беназири фарзанди фарзонаи миллат, ғолиби Бозиҳои тобистонаи олимпӣ Дилшод Назаров мусобиқаи марафони ноҳиявӣ доир шуд.
Марафон аз соати 8 субҳ аз назди бинои Кумитаи иҷроияи ҲХДТ дар ноҳия оғоз гардида, тавассути ҷамоатҳои деҳоти Г. Юсуфова, Обшорон, Ситораи Сурх, шаҳраки Ҳаёти Нав, Норин, Чоргул ва Даҳана идома ёфт. Соати 14 марафони мазкур дар боғи марказии Ғалаба бо иштироки аъзо ва ҷонибдорони ҲХДТ, аъзои ташкилоти ҷамъиятии ҷавонон «Созандагони Ватан» ва намояндагони филиали КВД «Маркази ҷумҳуриявии иттилоот ва тамоюли ҷавонон» дар ноҳияи Ёвон ҷамъбаст гардид.
Дар марафон зиёда аз 30 нафар ҷавонони ноҳия бо гирифтани парчами Ҷумҳурии Тоҷикистон, шиору овезаҳо ба ифтихори ҷашни 25- солагии Истиқлолияти давлатии Ҷумҳурии Тоҷикистон ва ғолибияти Дилшод Назаров иштирок намуданд.
Иштирокчиёни марафонро дар ҳамаи ҷамоатҳои шаҳраку деҳот хурду калони ноҳия бо шукргузорӣ аз давлати соҳибистиқлол истиқбол гирифта, шодиву хурсандӣ мекарданд.
Баргузории чунин чорабиниҳои оммавию фарҳангӣ ва варзишию солимгардонӣ то ҷашни 25- солагии Истиқлолияти давлатии Ҷумҳурии Тоҷикистон идома меёбад.
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳру ноҳияҳои Тоҷикистон борони кӯтоҳмуддат меборад
Дар Академияи миллии илмҳо бахшида ба 90 – солагии профессор Муқаддима Ашрафӣ конференсия баргузор шуд
Имрӯз дар баъзе шаҳру ноҳияҳои Тоҷикистон борони кӯтоҳмуддат меборад
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
