«Амнияти зеҳнӣ ва Истиқлолияти давлатӣ»- рисолаи нав

Душанбе, 03.10.2016/АМИТ Ховар»/. «Амнияти зеҳнӣ ва Истиқлолияти давлатӣ»- таҳти чунин унвон нашриёти «Ирфон» рисолаи Абдураҳмон Қурбонов, сардори Раёсати таҳлили масъалаҳои иҷтимоии Маркази тадқиқоти стратегии назди Президенти Ҷумҳурии Тоҷикистонро аз чоп баровард.
Рисолаи мазкур ба таҳқиқи масъалаи амнияти зеҳнӣ ва нақши он дар таъмини истиқлолияти миллӣ ва рушди кишварҳо дар ҷаҳони муосир бахшида шудаааст. Китоб аз ду боб: «Фирори мағзҳо» чун зуҳуроти глобалӣ ва «Муҳоҷирати зеҳнҳо» ва амнияти миллӣ: боҳамалоқамандии онҳо» иборат буда, хонандагон имкон доранд аз ин рисола вобаста ба масъалаҳои муҳоҷирати «зеҳнҳо»: таърих ва тамоюл, сабаб ва оқибатҳои «фирори мағзҳо», танзим ва пешгирии ин раванд, амнияти зеҳнӣ дар даврони истиқлолият: мушкилот ва дурнамо, ҷойгоҳи илм дар таъмини амнияти миллӣ огоҳӣ пайдо кунанд. Рисола барои ҷомеашиносон, хизматчиёни давлатӣ ва хонандагоне, ки ба масъалаи амнияти зеҳнӣ таваҷҷуҳ доранд, тавсия дода мешавад.