Ҳаракати воситаҳои нақлиёт дар ду кӯчаи марказии Душанбе ба муддати як сол қатъ карда мешавад
Душанбе, 26.10.2016/АМИТ «Ховар»/. Ҳаракати воситаҳои нақлиёт дар ду кӯчаи марказии Душанбе ба муддати як сол- аз нимаи дуюми моҳи октябри соли 2016 то охири сентябри соли 2017 муввақатан қатъ карда мешавад. Дар ин бора ба АМИТ «Ховар» аз мақомоти иҷроияи хокимияти давлатӣ дар шаҳри Душанбе иттилоъ доданд.
Қатъ намудани ҳаракати воситаҳои нақлиёт дар гузаргоҳи якуми кӯчаи Мирзо Турсунзода (аз майдони 800-солагии Маскав то кӯчаи Пӯлодӣ) ва кӯчаи Пӯлодӣ (аз кӯчаи М. Турсунзода то кӯчаи Бухоро) ва кӯчаи Амирхусрави Деҳлавӣ (аз хиёбони Рӯдакӣ то буриши кӯчаи академик А. Адҳамов) ба оғози корҳои сохтмону навсозӣ дар роҳҳои мошингарди кӯчаҳои мазкур иртибот дорад.
Вобаста ба оғози корҳои сохтмонию азнавсозӣ дар роҳҳои мошингарди кӯчаҳои мазкур, Раёсати Вазорати корҳои дохилии Ҷумҳурии Тоҷикистон дар шаҳри Душанбе муваззаф гардидааст, ки барои таъмини ҳаракати воситаҳои нақлиёт дар кӯчаҳои ҳамшафат ва амнияти шаҳрвандон тадбирҳои мушаххас андешад.
Имрӯз дар водиҳои Тоҷикистон ҳаво то 36 дараҷа гарм мешавад
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
