Боздиди Сарвазири мамлакат аз рафти корҳои сохтмонии бинои нави Академияи ВКД
Душанбе. 08.10.2016, /АМИТ «Ховар»/. Дирӯз Сарвазири мамлакат Қоҳир Расулзода ба мавзеи нави Академияи Вазорати корҳои дохилии Ҷумҳурии Тоҷикистон ташриф оварда, аз ҷараёни корҳои сохтмонии иншоотҳои он аз наздик шинос гардид.
Зимни боздид аз бинои нави Академияи Вазорати корҳои дохилӣ Қоҳир Расулзодаро вазири корҳои дохилӣ генерал-лейтенанти милитсия Раҳимзода Рамазон Ҳамро, муовинони вазир ва сардорони раёсатҳои Дастгоҳи марказии Вазорати корҳои дохилӣ ҳамроҳӣ намуданд.
Мавриди зикр аст, ки дар бинои нави Академия дар айни замон корҳои сохтмонӣ бомаром идома дошта, сохтмончиён бо шароитҳои зарурии корӣ таъмин мебошанд.
Сарвазири мамлакат ҷиҳати вусъат додани корҳои сохтмонӣ, таъмини саривақтии сохтмончиён бо масолеҳи зарурӣ ва ободу зебо намудани гирду атрофи биноҳо ба масъулини соҳа як қатор дастуру супоришҳо дод.
Зикр гардид, ки маблағҳои ҷудогардида сари вақт аз худ карда шуда, баҳри тезонидани корҳои сохтмонӣ кормандони иловагӣ ҷалб карда шаванд. Ҷиҳати босифат ва мутобиқ ба меъёрҳои байналмилалӣ сохтани бинои асосии Академияи Вазорати корҳои дохилӣ ва биноҳои иловагӣ аз қабили хобгоҳ, бинои истиқоматӣ, таваққуфгоҳ ва дигар шароитҳои моддӣ-маишӣ тадбирҳои мушаххас андешида шавад.
Имрӯз дар ноҳияҳои доманакӯҳӣ Тоҷикистон бориши борон пешгӯӣ мешавад
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
