Доруҳои истеҳсоли Қазоқистон ба намоиш гузошта мешаванд

Душанбе, 11.10.2016. /АМИТ «Ховар»/. 20 октябри соли 2016 соати 10:00 дар меҳмонхонаи HYATT REGENCY DUSHANBE Ҳамоиши доираҳои соҳибкории Тоҷикистону Қазоқистон баргузор мегардад.
Дар ин бора аз Палатаи савдо ва саноати Ҷумҳурии Тоҷикистон ба АМИТ «Ховар» хабар доданд.
Ба иттилои манбаъ, дар ҳамоиш маҳсулоти хӯрокӣ, масолеҳи сохтмонӣ, мошинсозӣ, металлургӣ, кимиёвӣ ва дорувории истеҳсоли Қазоқистон ба маъраз гузошта мешавад.
Ҳамоишро Агентии миллӣ оид ба содирот ва сармояи «KAZNEX INVEST»-и Ҷумҳурии Қазоқистон якҷоя бо Палатаи савдо ва саноати Ҷумҳурии Тоҷикистон ташкил намудаанд.