Оғози корҳои таблиғотӣ барои ИМД-2017
Душанбе, 14.10.2016. /АМИТ «Ховар»/. Тибқи нақшаи кории Маркази миллии тестии назди Президенти Ҷумҳурии Тоҷикистон аз 6-уми октябри соли равон дар 199 муассисаи таҳсилоти миёнаи умумии 7 шаҳру ноҳияи кишвар (шаҳрҳои Душанбе, Қӯрғонтеппа, Хуҷанд ва Хоруғ) вохӯриҳо бо хатмкунандагони соли 2017 шурӯъ гардиданд. Дар ин бора аз Маркази миллии тестӣ ба АМИТ «Ховар» иттилоъ доданд.
Дар чаҳорчӯбаи корҳои иттилоърасонию таблиғотӣ дар назар аст, ки вохӯриҳои мазкур барои 16 ҳазору 938 хатмкунанда баргузор шаванд.
Маркази миллии тестӣ 12 нафар корманди масъулашро вазифадор кард, ки дар давоми моҳҳои октябр ва ноябр бо 670 омӯзгори муассисаҳои таълимӣ вохӯрӣ баргузор намуда, зимни он дар бораи низоми Имтиҳонҳои марказонидаи дохилшавӣ (ИМД), аз ҷумла, дар бораи аҳамияти баланд доштани тарзи дурусти интихоби комбинатсияи ихтисосҳо ва бартарии онҳо дар марҳалаи омодагӣ ба имтиҳонҳо муаррифии компютерӣ пешниҳод гардонанд.
Муаррифии компютерӣ барои хатмкунандагон бо таҳлилҳо ва натиҷагириҳо аз имтиҳонҳои солҳои қаблӣ пешниҳод мегардад.
Дар назар аст, ки барои дигар шаҳру ноҳияҳои ҷумҳурӣ дар моҳи декабр низ чунин вохӯриҳо ташкил карда шаванд.
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Имрӯз дар ноҳияҳои доманакӯҳи Тоҷикистон бориши борон пешгӯӣ мешавад
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
