Сомонаи Кумитаи ҷавонон, варзиш ва сайёҳӣ дар тарҳи нав роҳандозӣ гардид

Душанбе, 11.10.2016. /АМИТ «Ховар»/. Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон ҷиҳати дастрасии ҷомеа, бахусус ҷавонону варзишгарон ба иттилоот аз ҳаёти наврасону ҷавонон ва варзишгарон сомонаи худро дар доираи таҷлили 25 — солагии Истиқлолияти давлатии Ҷумҳурии Тоҷикистон дар тарҳи муосир таҳия намуда, онро мавриди истифода қарор дод.
Мақсади асосии бо тарҳи нав омода намудани сомонаи расмии Кумита ин пеш аз ҳама, баланд бардоштани сатҳи маълумотнокии насли ҷавону варзишгар оид ба дастгирӣ ва ғамхориҳои ҳамарӯзаи Асосгузори сулҳу — Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва нақши Роҳбари давлат дар беҳдошти ҳаёти иқтисодӣ, иҷтимоӣ, фарҳангӣ ва маънавии ин қишри ҷомеа маҳсуб мешавад.
Дар ин бора ба АМИТ «Ховар» аз Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон хабар доданд.