Ҳадаф аз лоиҳаи Барномаи қарзгирии берунаи давлатӣ истифодаи босамари он мебошад
Душанбе, 16.11.2016 /АМИТ «Ховар»/. Абдусалом Қурбониён, вазири молияи мамлакат ва Сафаралӣ Раҷабов, вакили Маҷлиси намояндагон дар ҷаласаи навбатии иҷлосияи сеюми палатаи поёнии Парлумон оид ба лоиҳаи «Барномаи қарзгирии берунаи давлатии Ҷумҳурии Тоҷикистон барои солҳои 2017-2019» маърӯза карда, зикр намуданд, ки мақсади асосии Барномаи мазкур таъмини назорат аз болои ҷалби қарзҳои хориҷӣ ва истифодаи самараноки онҳо, ҳамчунин пешгирӣ аз ҷамъшавии назоратнашавандаи қарзҳои беруна мебошад.
Барномаи мазкур имконият медиҳад, ки имкониятҳои молиявии буҷети давлатӣ, захираҳои қарзии дохилӣ васеъ гардида, барномаҳои иҷтимоии Ҳукумати мамлакат амалӣ шаванд ва ба рушди бахшҳои афзалиятноки иқтисоди миллӣ, ки вазъи иқтисодиёти воқеиро муайян менамоянд, кумакҳои зарурӣ расонида шаванд.
Бояд гуфт, Барнома 58 лоиҳаи қарзии амалкунанда ва 98 созишномаи қарзии дар сатҳи лоиҳавӣ қарордоштаро дар бар мегирад. Вакилони Маҷлиси намояндагон «Барномаи қарзгирии берунаи давлатии Ҷумҳурии Тоҷикистон барои солҳои 2017-2019»-ро қабул карданд.
Ҳамчунин дар ҷаласаи имрӯза вакил аз ҳавзаи ягонаи умумиҷумҳуриявӣ Насиба Содиқова лоиҳаи Қонун «Оид ба ворид намудани тағйиру илова ба Қонуни Ҷумҳурии Тоҷикистон «Дар бораи рӯзҳои ид»-ро ба вакилони Маҷлиси намояндагон шарҳу тавзеҳ дод. Зикр шуд, ки тағйиру иловаҳои воридгардида танҳо хусусияти техникӣ-таҳрирӣ доранд.
Мавриди зикр аст, ки вакилони Маҷлиси намояндагон аз рӯи ҳамаи масъалаҳои ба ҷаласаи навбатии иҷлосияи сеюми Маҷлиси намояндагони Маҷлиси Олии Ҷумҳурии Тоҷикистон даъвати панҷум воридгардида қарорҳои дахлдор қабул намуданд.
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
