Ҳайати баландпояи Тоҷикистон ба Ашқобод меравад

Ноябрь 25, 2016 11:06

Душанбе, 25.11.2016/АМИТ «Ховар»/. Рӯзҳои 26-27 ноябр дар Ашқобод конфронси байналмилалӣ оид ба шабакаи нақлиёти устувор баргузор мегардад. Дар кори он дар радифи намояндагони кишварҳои хориҷӣ ва созмонҳои бонуфузи байналмилалию минтақавӣ, ҳайати баландпояи Ҷумҳурии Тоҷикистон таҳти роҳбарии муовини Сарвазири Ҷумҳурии Тоҷикистон Азим Иброҳим иштирок менамояд. Дар ин бора ба АМИТ «Ховар» аз Вазорати корҳои хориҷии Ҷумҳурии Тоҷикистон иттилоъ доданд.
Конфронси байналмилалӣ оид ба шабакаи нақлиёти устувор дар асоси Эъломияи Созмони Миллали Муттаҳид оид ба мусоидат ҷиҳати ташкили долони бисёрсамтаи нақлиёт -ҳамл, таъмин ва тақвияти ҳамаҷонибаи ҳамкорӣ оид ба намудҳои гуногуни нақлиёт, ки моҳи декабри соли 2015 дар иҷлосияи 70-уми Маҷмаи кулли СММ қабул гардида буд, гузаронида мешавад.
Интизор меравад, ки дар конфронси байналмилалӣ масъалаҳои муҳими марбут ба рушди шабакаи нақлиёт, назири нақлиёти устувор ва тағирёбии муҳити зист, энергетика ва нақлиёт, шабакаи нақлиёти шаҳрӣ ва нақлиёти роҳу коммуникатсионии байни шаҳрҳову деҳот, ҷалби сармоя ва маблағгузорӣ ба соҳаи нақлиёт, ҳамкории байналмилалӣ дар бахши нақлиёт ва асосҳои ҳуқуқии он, инчунин рушди бисёрсамтаи долонҳои нақлиётӣ, инфрасохтори он ва таъмини амнияти ҳаракат дар роҳҳо баррасӣ гарданд.
Дар назар аст, ки ҳайати Ҳукумати Ҷумҳурии Тоҷикистон ҳамзамон дар радифи иштирок дар кори конфронси байналмилалӣ, дар маросими тантанавии ифтитоҳи навбати якуми роҳи оҳани байналмилалии Осиё ё долони нақлиётии роҳи оҳани Тоҷикистон-Афғонистон Туркманистон, қитъаи Атамурод-Имомназар (Туркманистон)-Акина (Афғонистон) ва ифтитоҳи терминал оид ба қабул, нигоҳдошт ва боркашонии маҳсулоти нафтӣ дар нуқтаи гумрукии Имомназар ширкат намоянд.

Ноябрь 25, 2016 11:06

Хабарҳои дигари ин бахш

БОРЖОМИ. Ин шаҳри курортӣ ва дорои чашмаи шифобахш дар Гурҷистон аст
Имрӯз дар Тоҷикистон ҳавои камабри бебориш пешгӯӣ мешавад
Дар ноҳияи Файзобод офатҳои табиӣ бартараф карда мешаванд
Дар шаҳри Конибодом ҷаласаи сайёри Шурои ҷамъиятии Ҷумҳурии Тоҷикистон баргузор шуд
«БАРОИ СУЛҲ ВА ДӮСТӢ». Таҳти чунин унвон дар Тоҷикистон фестивали байналмилалӣ оғоз гардид
ИМРӮЗ-РӮЗИ ҶАҲОНИИ ФУТБОЛ. Бахшида ба он дар дувоздаҳ шаҳру ноҳияи Тоҷикистон фестивалҳои футбол доир мешаванд
Имрӯз бори нахуст Рӯзи ҷаҳонии футбол таҷлил мегардад
Имрӯз дар баъзе ноҳияиҳои алоҳидаи Тоҷикистон борони бошиддат дар назар аст
Дар ноҳияи Исмоили Сомонии пойтахт Рӯзи ҷавонон бо шаҳомати хосса таҷлил карда шуд
Ба ифтихори Рӯзи ҷавонон дар шаҳри Роғун бо иштироки зиёда аз 2500 нафар роҳпаймоӣ доир гардид
Дар Душанбе нишасти матбуотии Сафири Ҷумҳурии Исломии Эрон дар Тоҷикистон баргузор гардид
СИГНАХИ. Шаҳри муҳаббат ва маконе дар Гурҷистон, ки дар он ҳамеша сулҳ пойдор будааст