Ҳаким Фузайлов дастаи мунтахаби Туркманистонро ҳарифи пурқувват мешуморад
Душанбе, 09.11.2016 /АМИТ «Ховар»/. Сармураббии дастаи мунтахаби Тоҷикистон Ҳаким Фузайлов дар нишасти матбуотии пеш аз бозӣ бо дастаи мунтахаби Туркманистон, ки имрӯз соати 17:00 дар Варзишгоҳи марказии ҷумҳуриявӣ доир мегардад, туркманҳоро яке аз дастаҳои пурқувват шуморида, гуфт: «Бозии дастаи мунтахаби Туркманистонро дар шаҳри Бишкек бо дастаи мунтахаби Қирғизистон тамошо кардам. Бозиаш хеле хуб аст ва дар ҳайаташ якчанд нафар бозингарони легионер, ки дар хориҷи Туркманистон ҳунарнамоӣ доранд, ширкат меварзанд. Туркманистон барои дастаи мо ҳарифи арзанда аст».
Ӯ аз омодагии дастаи мунтахаби Тоҷикистон ба ду бозии рафиқона бо дастаҳои мунтахаби Туркманистон ва Афғонистон қаноатмандӣ изҳор карда, аз лат бардоштану дар ин бозиҳо иштирок накардани Фарҳод Восиев («Оренбург», Русия) афсӯс хӯрд. «Мо,- гуфт Ҳаким Фузайлов, ҳамаи имконотро истифода мебарем, ки дар вохӯрӣ бо дастаи мунтахаби Туркманистон бозии хуб нишон диҳем, то мухлисон аз он шод шаванд. Футболбозони мо ба ин омодаанд».
Ба ҳамин тартиб, имрӯз дастаҳои мунтахаби Тоҷикистон ва Туркманистон бозии 8-уми худро доир мекунанд, ки мақсади асосиаш тайёрии дастаҳо ба бозиҳои интихобии Ҷоми Осиё ба шумор меравад.
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
