Ба истифода додани маркази хизматрасонии «Сироҷиддин»
Душанбе, 05.11.2016. /АМИТ «Ховар»/. Нақшаҳо ба хотири фароҳам овардани шароити арзандаи зиндагӣ ба мардум ва ба маротиб баланд бардоштани сатҳи зиндагии сокинон дар шаҳри Ҳисор дар доираи дастуру ҳидоятҳои Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон марҳила ба марҳила амалӣ карда мешаванд.
Имрӯз боз як маркази бузурги хизматрасонӣ дар шаҳри Ҳисор бо иштироки Пешвои миллат муҳтарам Эмомалӣ Раҳмон мавриди баҳрабардорӣ қарор дода шуд.
Маркази хизматрасонии «Сироҷиддин» дар деҳаи Ҳисори Ҷамоати деҳоти Ҳисор аз тарафи соҳибкор Қараев Салоҳиддин сохта шудааст. Иншоот аз 4 ошёна иборат буда, он дар масоҳати 930 метри мураббаъ бунёд ёфтааст ва масоҳати бино бошад 344,4 метри мураббаъро ташкил медиҳад.
Сарвари давлат баъди буридани лентаи рамзӣ ва мавриди истифодабарӣ қарор додани марказ аз шароити дохили он дидан намуданд.
Ба Пешвои миллат иттилоъ дода шуд, ки иншоот бо фармоиши соҳибкор Салоҳиддин Қараев дар асоси лоиҳаи Ҷамъияти дорои масъулияти маҳдуди «Сармоя-лоиҳа» тарҳрезӣ гардида, пудратчӣ Ҷамъияти саҳомии кушодаи «Таъмиргар-2010» мебошад. Корҳои сохтмониро дар марказ соли 2014 оғоз намудаанд.
Мутахассисони соҳибтаҷриба ва баландихтисос дар зарфи ду сол тавонистанд иншоотро бо тарҳи зебо, мутобиқ ба талаботи замон ва ҷавобгӯ ба меъёрҳои байналмилалӣ дар доираи лоиҳаи тарҳрезишуда ба анҷом расонанд.
Арзиши умумии Маркази хизматрасонии «Сироҷиддин» дар асоси лоиҳа 2 миллион сомониро ташкил медиҳад, ки тибқи иттилоъ бо хароҷоти 1 миллиону 700 ҳазор сомонӣ бунёд ёфтааст. Тавре аён гардид дар ошёнаи якуми бино кошонаи ҳусн, мағоза ва қаҳвахона ташкил гардида, дар ошёнаи дуюм маркази дилхушӣ барои кӯдакон ва дар ошёнаи сеюм толори варзишӣ фаъолият мекунад.
Айни замон дар маркази мазкур 26 нафар сокинони маҳаллӣ бо ҷойи кори доимӣ ва маоши хуб таъмин мебошанд. Гуфта мешавад, ки бо ба кор даромадани тарабхона дар таҳхонаи бино, ҳамоми замонавӣ дар ошёнаи чорум ва боз ҳам васеъ намудани доираи фаъолият дар ояндаи наздик шумораи кормандон ба 50 нафар расонида хоҳад шуд.
Сарвари давлат бунёду мавриди баҳрабардорӣ қарор гирифтани чунин маркази зебову боҳашамати хизматрасониро, ки дорои тамоми шароит мебошад барои сокинони шаҳри бостонии Ҳисор туҳфаи арзанда дар рӯзҳои таҷлил аз 25-солагии Истиқлолияти давлатии Ҷумҳурии Тоҷикистон шумориданд ва таъкид доштанд, ки маҳс ваҳдату ягонагӣ, тинҷиву оромӣ, пойдории сулҳу субот ва Истиқлолияти давлатӣ боис гашт, ки мо мардуми созандаву ободкори тоҷик ба дастовардҳои назаррас ноил гардем.
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар маросими ифтитоҳи бинои Вазорати адлия
Сарвари давлат Эмомалӣ Раҳмон бо роҳбарону кормандони мақомоти адлияи кишвар мулоқот намуданд
Пешвои миллат Эмомалӣ Раҳмон бинои нави Вазорати адлияро ифтитоҳ намуданд
Президенти Ҷумҳурии Тоҷикистон Эмомалӣ Раҳмон ба Амири Давлати Қатар Шайх Тамим бин Ҳамад Оли Сонӣ барқияи изҳори тасаллӣ ирсол намуданд
Пешвои миллат Эмомалӣ Раҳмон бо намояндагони се ширкати калонтарини металлургии Чин мулоқот намуданд
Президенти Ҷумҳурии Тоҷикистон Эмомалӣ Раҳмон бо роҳбарону фаъолони вилояти Суғд ва кормандони соҳаи саноати кишвар мулоқот намуданд
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар мулоқот зимни боздид аз сохтмони корхонаи ғанигардонии маъдани оҳан дар ноҳияи Бобоҷон Ғафуров
Сарвари давлат Эмомалӣ Раҳмон ба таври фосилавӣ ба бунёди корхонаҳои истеҳсоли семент дар шаҳри Истаравшан ва истеҳсоли оҳак дар ноҳияи Бобоҷон Ғафуров оғоз бахшиданд
Пешвои миллат Эмомалӣ Раҳмон дар ноҳияи Бобоҷон Ғафуров аз ҷараёни сохтмони корхонаи металлургии ҶСП «Комбинати металлургии тоҷик» дидан намуданд
Сарвари давлат Эмомалӣ Раҳмон дар Минтақаи озоди иқтисодии Суғд марҳилаи дуюми ҶДММ «Сайри Суғд»-ро ифтитоҳ намуданд
Президенти Ҷумҳурии Тоҷикистон Эмомалӣ Раҳмон ба таври фосилавӣ 4 иншоотро дар шаҳри Хуҷанд ва ноҳияи Кӯҳистони Мастчоҳ ифтитоҳ намуданд
Пешвои миллат Эмомалӣ Раҳмон дар шаҳри Хуҷанд бинои нави маъмурии Суди вилояти Суғдро ба истифода доданд
