Дар қароргоҳи ФФТ бо сармураббиёни дастаҳои «Истиқлол» ва «Ҳосилот» нишасти матбуотӣ доир гардид

Ноябрь 4, 2016 15:46

Душанбе, 04.10.2016 /АМИТ «Ховар»/. Имрӯз дар қароргоҳи ФФТ вохӯрии сармураббиёни дастаҳои «Истиқлол»-и Душанбе ва «Ҳосилот»-и Фархор, ки пагоҳ дар вохӯрии ниҳоии Ҷоми Тоҷикистон бо ҳам қувва месанҷанд, бо рӯзноманигорони воситаҳои ахбори умум баргузор шуд. Сармурабии дастаи «Ҳосилот» Муҳаммадҷон Ҳабибуллоев ва мураббии калони дастаи «Истиқлол Нӯъмон Юсуфов ба саволҳои хабарнигорон ҷавоб гуфтанд.
Муҳаммадҷон Ҳабибуллоев дар бораи тайёрии даста ба ин бозии пурмасъулият сухан ронда, гуфт: «Ҳосилот» омода аст бо муваффақтарин дастаи Тоҷикистон- «Истиқлол», ки панҷ маротиба соҳиби Ҷом шудааст, бозии беҳтарини худро нишон диҳад. Танҳо дар бозӣ ширкат кардани ҳамлагари даста Комил Саидов, ки лат бардоштааст, дар гумон мебошад. Аз ин пештар дар бозиҳои ниҳоии Ҷоми Тоҷикистон ба ҳайси сармураббии дастаи «Регар-ТадАз» бо «Истиқлол» се маротиба вохӯрда, ду маротиба ғалаба кардаем ва ин навбат ҳам танҳо бо мақсади ғалаба ба майдон меоем».
Мураббии калони «Истиқлол» Нӯъмон Юсуфов низ аз ин бозӣ натиҷаи қаноатбахшро интизор аст. Ӯ гуфт: «Хати ҳимояи дастаи «Ҳосилот» дар мавсими имсола яке аз беҳтаринҳост ва дар Чемпионат аз дарвозааш аз ҳама кам (13 адад) тӯб гирифтааст. Бинобар ин кӯшиш мекунем, ки роҳҳои ҳалли шикастани ин хати муҳофизатро пайдо кунем, то дар маҷмӯъ ғолибият насиби мо гардад».
Дар чемпионати имсолаи мамалакат «Истиқлол» ва « Ҳосилот» байни ҳам ду вохӯрӣ гузаронидаанд, ки яке мусовӣ(1:1) ва дигаре бо ғалабаи истиқлолиҳо(2:1) ҷамъбаст шудааст. Дар бозии ниҳоӣ, ки арзишаш дучанд аст, кадом даста ғалаба мекунад, пагоҳ маълум хоҳад шуд.

Ноябрь 4, 2016 15:46

Хабарҳои дигари ин бахш

ҶОМИ ҶАҲОН-2026. Дастаи мунтахаби Тоҷикистон оид ба футбол дар Қатар бозиҳои тамринӣ мегузаронад
Гела Шекиладзе сармураббии нави дастаи мунтахаби Тоҷикистон оид ба футбол таъйин гардид
Имрӯз дар Қазон маросими ифтитоҳи «Бозиҳои оянда» баргузор мегардад
Барои дарёфти «Ҷоми Раиси шаҳри Хоруғ» мусобиқаи варзишӣ оид ба волейбол оғоз ёфт
TASHKENT GRAND SLAM 2024 . Тоҷикистонро дар ин мусобиқа 16 варзишгар намояндагӣ мекунад
Бозиҳои навбатии зимистонаи Осиёӣ дар Ҳарбини Чин баргузор мешаванд
ҶОМИ ҶАҲОН-2026. Дастаи мунтахаби Тоҷикистон оид ба футбол дар Риёз бо тими Арабистони Саудӣ бозӣ мекунад
Дастаи футзали Тоҷикистон бо тимҳои миллии Арабистони Саудӣ ва Узбекистон бозиҳои дӯстона анҷом медиҳад
«Baku Grand Slam 2024». Варзишгари Тоҷикистон Абубакр Шеров медали нуқра ба даст овард
ТАҒЙИРОТ ДАР «ИСТИҚЛОЛ». Сохтори идоракунии ин дастаи футбол тағйир дода шуд
«ШОМИ БОКС». Баҳодур Усмонов унвони чемпионии Осиёро аз рӯи фарзияи IBA ба даст овард
ОБОДОНӢ ДАР МАҲАЛ. Сокинони деҳаи Вамди ноҳияи Рӯшон соҳиби толори варзишӣ шуданд