Хатсайри парвозҳои ширкати «Тоҷик Эйр» васеъ мегардад
Душанбе, 09.11.2016 /АМИТ «Ховар»/. Аз 6 ноябри соли равон ширкати «Тоҷик Эйр» хатсайри нави парвозҳоро ба самти Душанбе Сургут- Душанбе оғоз кард. Парвоз бо хатсайри нав дар як ҳафта як маротиба- рӯзҳои якшанбе тавассути самолёти навъи «Boeing 737-300» сурат мегирад.
Дар ин бора ба АМИТ «Ховар» котиби матбуоти ширкати «Тоҷик Эйр» Азиз Хайруллоев иттилоъ дода, зикр кард, ки ҳамчунин шурӯъ аз 13 ноябри соли равон аз «Фурудгоҳи байналмилалии Хуҷанд» парвозҳо ба самти Хуҷанд-Нижневартовск-Хуҷанд сурат мегиранд. Парвозҳо аз фурудгоҳи Хуҷанд дар ду ҳафта як маротиба-рӯзҳои якшанбе бо самолёти навъи «Boeing 737-300» амалӣ мешаванд ва вақти парвоз дар ин самт ҳамагӣ 3 соату 30 дақиқаро дар бар мегирад.
Бояд гуфт, ширкати ватании «Тоҷик Эйр» аз ибтидои моҳи январ шумораи парвозҳоро ба самти Душанбе- Деҳлӣ- Душанбе зиёд намуда, акнун мусофирон метавонанд дар як ҳафта ду маротиба- рӯзҳои сешанбе ва ҷумъа ба Ҳиндустон сафар дошта бошанд.
Дар назар дошта шудааст, ки ширкати «Тоҷик Эйр» парвоз бо хатсайрҳои Душанбе- Урумчи- Душанбе ва Душанбе-Пекин-Душанберо дубора барқарор кунад. Дар ин самт корҳои ташкилӣ фаъолона идома доранд.
Васеъ гардидани хатсайри парвозҳои ширкати ватании «Тоҷик Эйр» барои рафтуомади сокинони мамлакат ба хориҷи кишвар ва ворид шудани шумораи зиёди сайёҳони хориҷӣ ба мамлакат мусоидат мекунад.
«САМУРАЕ, КИ ШАМШЕР НАДОРАД». Асари нависандаи ҷопонӣ тарҷума ва нашр гардид
Имсол дар Тоҷикистон дар беш аз 186 ҳазор гектар кишти такрории зироати кишоварзӣ гузаронида мешавад
Кишоварзони ноҳияи Зафаробод дар беш аз 10 ҳазор гектар пунбадона кишт намуданд
Дар Тоҷикистон беш аз 11 ҳазор гектар шолӣ кишт шудааст
Дар «Ҳамсафар» 300 нафар хонандагон ба истироҳат ҷалб гардиданд
Имрӯз дар водиҳои Тоҷикистон ҳаво то 43 дараҷа гарм мешавад
Дар назди 4 муассисаи таълимӣ ноҳияи Рӯдакӣ хонаи хизматии омӯзгорон бунёд карда мешавад
Дар Тоҷикистон корҳои омодагӣ барои баргузории Фестивали бозиҳои варзиши миллӣ оғоз гардиданд
Ҷаласаи 6-уми роҳбарони вазорату идораҳои давлатҳои аъзои Созмони ҳамкории Шанхай оид ба ҳифзи муҳити зист доир шуд
Имрӯз дар Тоҷикистон чангу ғубор ба амал меояд
Бо мақсади тақвияти устувории шаҳрҳо ба хавфи офатҳо ва тағйирёбии иқлим дар Осиёи Марказӣ машварат доир гардид
«ТОҶИКИСТОН, БА ПЕШ!». Дар шаҳри Ҳисор ташкилоти ибтидоии нави Ҳизби Халқии Демократии Тоҷикистон таъсис дода шуд
