Хуҷанд: варзишгарони 8 шаҳру ноҳияи вилояти Суғд дар мусобиқаи каратэ-до иштирок карданд

Хуҷанд, 16.11.2016./ АМИТ «Ховар»/. Ба ифтихори Рӯзи Президент 15 ноябр дар толори «Қасри варзиш»-и шаҳри Хуҷанд мусобиқаи кушоди шаҳрӣ оид ба каратэ-до WKF байни кӯдакон, наврасон ва ҷавонон баргузор гардид.
«Дар мусобиқаи кушоди шаҳрӣ беш аз 270 нафар варзишгарон — каратэчиён аз 8 шаҳру ноҳияҳои вилояти Суғд иштирок намуданд. Мусобиқа аз рӯи вазнҳои гуногун байни духтарон ва ҷавонписарон доир гашта, дар интиҳо ғолибони мусобиқа бо медалҳо ва диплому ифтихорномаҳои мақомоти маҳаллии шаҳрӣ сарфароз гардиданд»,-хабар доданд аз бахши ҷавонон, варзиш ва сайёҳии шаҳри Хуҷанд ба хабарнигори АМИТ «Ховар».