Истифодаи смартфонҳои «Samsung Note 7» дар дохили тайёраҳои «Тоҷик Эйр» манъ шуд
Душанбе, 01.11.2016. /АМИТ «Ховар»/. Ширкати ҳавопаймоии миллии «Тоҷик Эйр» истифодаи смартфонҳои тамғаи «Samsung Note 7»-ро дар дохили тайёраҳои худ манъ кард. Дар ин бора ба АМИТ «Ховар» аз хадамоти матбуоти ширкати «Тоҷик Эйр» хабар доданд.
Ин қарорро роҳбарияти ширкат бо сабаби зиёд шудани ҳодисаҳои худ аз худ оташ гирифтани смартфонҳои тамғаи «Samsung Note 7» ҳангоми гирифтани қувва қабул намуд.
«Таъмини амнияти мусофирон ҳангоми сафар вазифаи стратегии мо мебошад, ки ширкати миллии Тоҷикистон ин вазифаро бечуну чаро иҷро менамояд. Манъ намудани смартфонҳои ин тамға дар дохили тайёра низ бо мақсади амнияти мусофирон ба роҳ монда шуд»,- иттилоъ дод намояндаи «Тоҷик Эйр».
Мусофироне, ки бо худ ин тамғаи телефонро доранд, пеш аз қайдгузарӣ бояд онро ба шахсони гуселкунанда диҳанд ва бо худ ба тайёра ворид насозанд.
Дар қаламрави Тоҷикистон заминларза ба амал омад
Имрӯз дар ноҳияҳои алоҳидаи Тоҷикистон туман мефарояд
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
