Н.Салимзода: «Клиникаи мобилӣ баҳри ҳимоя аз сирояти ВНМО фаъолияти худро дар маҳалҳои дурдаст амалӣ хоҳад кард»
Душанбе, 15.11.2016 /АМИТ «Ховар»/. Имрӯз дар Маҷмааи тандурустии «Истиқлол» оид ба омодагӣ ба ҳафтаи мубориза бар зидди вируси норасоии масунияти одам (ВНМО) таҳти унвони «Ман ба пешгирии ВНМО тарафдорам» ҳамоиш баргузор гардид.
Тавре аз Маҷмааи тандурустии «Истиқлол» хабар доданд, дар ҳамоиш Нусратулло Салимзода, вазири тандурустӣ ва ҳифзи иҷтимоии аҳолии Ҷумҳурии Тоҷикистон, Игор Лякин-Фролов, Сафири Фавқулода ва Мухтори Федератсияи Русия дар Ҷумҳурии Тоҷикистон, ҳамчунин намояндагони Барномаи муштараки Созмони Милали Муттаҳид оид ба пешгирии ВНМО/БПНМ (ЮНЭЙДС) ва Хазинаи «СПИД инфосвязь»-и Русия иштирок намуданд.
Дар ҳамоиш аз тарафи Федератсияи Русия ба Вазорати тандурустии мамлакат дар маросими тантанавӣ комплекси ташхисии сайёр супорида шуд.
«Ин дуюмин клиникаи мобилӣ мебошад, ки ба мо тақдим гардид. Клиникаи мобилӣ баҳри ҳимоя аз сирояти ВНМО фаъолияти худро дар маҳалҳои дурдасту душворгузари деҳот ва кӯҳистон амалӣ хоҳад кард»,-гуфт Нусратулло Салимзода, Вазири тандурустӣ ва ҳифзи иҷтимоии аҳолии Ҷумҳурии Тоҷикистон.
«Ҳамасола дар арафаи 1 декабр дар тамоми кишварҳои ҷаҳон барномаҳои махсус гузаронида мешаванд, ки ҳадафашон пешгирӣ намудани ВНМО мебошад. Ҳамзамон дар ин рўз аз ҷомеаи ҷаҳон даъват ба амал оварда мешавад, ки дар мубориза бо ВНМО муттаҳид бошанд. Ҳар як шахс метавонад дар пешгирии он ҳиссагузор бошад. Ба ин восита ҳар як фард барои ҳифзи ҳаёти худ ва наздиконаш аз ташхиси ВНМО гузашта, аз вазъи солимиаш дар робита ба вируси мазкур маълумот мегирад»,-хабар дод манбаъ.
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
