Факултаи таърих ва ҳуқуқи Донишгоҳи давлатии Қӯрғонтеппа соҳиби бинои нав гардид

Қӯрғонтеппа, 01.12.2016 /АМИТ «Ховар»/. Имрӯз дар шаҳри Қӯрғонтеппа маросими ифтитоҳи бинои нави иловагии Донишгоҳи давлатии Қӯрғонтеппа ба номи Носири Хусрав баргузор гардид. Дар ин бора хабарнигори АМИТ «Ховар» аз шаҳри Қӯрғонтеппа хабар дод.
Дар маросим муовини Сарвазири мамлакат Маҳмадтоҳир Зокирзода, Вазири маориф ва илм Нуриддин Саид ва раиси вилояти Хатлон Давлатшоҳ Гулмаҳмадзода иштирок намуданд.
«Бинои замонавӣ бо тамоми таҷҳизот таъмин буда, дар он факултаи таърих ва ҳуқуқи донишгоҳ ҷойгир карда шуд. Бино аз 24 аудитория ва 8 утоқи ёрирасон иборат буда, дар он 1162 нафар донишҷӯён таҳсил мекунанд»,-хабар дод манбаъ.