Криштиану Роналду беҳтарин бозингари Ҷоми ҷаҳон байни клубҳо эълон шуд

ДУШАНБЕ, 19.12.2016 /АМИТ «Ховар»/. Ҳамлагари дастаи «Реал»-и Мадрид Криштиану Роналду беҳтарини бозингари бозиҳои Ҷоми ҷаҳон байни клубҳо эътироф шуд. Дар ин бора саҳифаи Федератсияи байналмилалии футбол (ФИФА) дар Twitter хабар ба нашр расонидааст.
«Дар бозии ниҳоӣ, ки дирӯз дар Япония баргузор гардид, «Реал» бар КФ «Кашима Антлерс» бо натиҷаи 4:2 ғолиб омад. Се голро дар он бозӣ Криштиану Роналду ба ҳадаф расонд. Ба ҳамин тартиб, ин бозингари португалӣ дастоварди Пелеи бразилиягиро, ки ҳанӯз соли 1962 дар бозии байни дастаҳои «Cантос»-и Бразилия ва «Бенфика»-и Португалия хет-трик карда буд, такрор кард»,-зикр кардааст манбаъ.
Ёдрас мешавем, ки дар бозии нимниҳоӣ «Реал» бар «Америка»-и Мексика бо натиҷаи 2:0 ғалаба кард. Дар он бозӣ низ як голро Криштиану Роналду ба нишон расонд.
12 декабр Роналду маротибаи чорум ба гирифтани Ҷоизаи беҳтарин футболбози ҷаҳон -«Тӯби тиллоӣ» сарфароз шуд.