Паёми Президент -роҳнамои фардои ҷомеа
ДУШАНБЕ, 28.12.2016/АМИТ «Ховар»/. Самтҳои асосии Паёми Президенти Ҷумҳурии Тоҷикистон Эмомалӣ Раҳмон ба Маҷлиси Олӣ, ки ба соҳаи маориф нигаронида шудаанд, зимни нишасти илмӣ-амалие, ки дар Донишкадаи давлатии забонҳои Тоҷикистон ба номи Сотим Улуғзода таҳти унвони «Паёми Президент -роҳнамои фардои ҷомеа» доир гардид, баррасӣ шуд.
Ректори Донишкада Маҳмадулло Раҷабзода дар нишаст роҷеъ ба аҳамият ва омӯзиши Паёми солонаи Президенти кишвар, ки фарогири самтҳои асосии сиёсати дохилӣ ва хориҷии кишвар аст, ибрози назар намуд. Зикр шуд, ки нуктаҳои асосии Паёми Пешвои миллат вобаста ба соҳаи маориф сармашқи фаъолияти ҳайати устодону донишҷӯёни Донишкадаи давлатии забонҳо мебошад. Ин аст, ки самтҳои асосии фаъолияти Донишкадаи забонҳо ба омода намудани мутахассисони варзидаи соҳаи маориф, бахусус омӯзгорони забонҳои хориҷӣ-англисӣ, олмонӣ, фаронсавӣ, чинӣ ва ғайра нигаронида шудааст. Нақши Донишкадаи давлатии забонҳои Тоҷикистон ба номи Сотим Улуғзода дар рушду пешрафти соҳаи маорифи ҷумҳурӣ ва таълиму тарбия, хусусан омода намудани мутахассисони забондон дар кишвар муассир аст.
Дар нишаст устодони Донишкада доир ба паҳлӯҳои Паёми Президенти ҷумҳурӣ Эмомалӣ Раҳмон ба Маҷлиси Олӣ табодули назар намуда, дар иртибот ба эълон гардидани соли 2017 «Соли ҷавонон» аз ҷавонон-донишҷӯён даъват намуданд, ки дар бахшҳои мухталифи ҳаёти ҷомеаи кишвар саҳми назаррас гузоранд.
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
ҶАМЪБАСТИ НИШАСТҲОИ МАТБУОТӢ. 14 август дар Филиали Донишкадаи энергетикаи Москва дар шаҳри Душанбе нишасти матбуотӣ доир мегардад
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
