ШСХК «Барқи Тоҷик»: Зимни ироаи Паёми Пешвои миллат дар тамоми қаламрави ҷумҳурӣ аз соати 06-00 то 14-00 барқ дода мешавад

ДУШАНБЕ, 20.12.2016 /АМИТ «Ховар»/. 22 декабр, ки тавассути тамоми шабакаҳои телевизион ва радиои ҷумҳурӣ аз соати 10-00 Паёми Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон мустақиман пешкаш мегардад, дар ҷумҳурӣ аз соати 06-00 то 14-00 барқ дода мешавад.
Дар ин бора ба АМИТ «Ховар» аз хадамоти матбуоти ШСХК «Барқи Тоҷик» хабар доданд.
«Ин тадбир ба он хотир роҳандозӣ мегардад, ки шаҳрвандони кишвар имкон пайдо намоянд аз Паёми Президент мустақиман огоҳ шаванд»,-шарҳ дод манбаъ.
Зимнан ШСХК «Барқи Тоҷик» бо камоли эҳтиром аз муштариён хоҳиш менамояд, ки аз барқ сарфакорона истифода бурда, ҳаққи истифодаи неруи барқро сари вақт пардохт намоянд.