Қӯшунҳои сарҳадии КДАМ ҶТ соли 2016 зиёда аз 904 кг маводи мухаддирро мусодира карданд

Декабрь 30, 2016 11:42

ДУШАНБЕ, 30.12.2016 /АМИТ «Ховар»/. Аз ҷониби Қӯшунҳои сарҳадии КДАМ ҶТ соли 2016 зиёда аз 598 нафар вайронкунандагони сарҳади давлатӣ ва низоми сарҳадӣ боздошт гардида, 14 маротиба кӯшиши вайронкунии сарҳади давлатӣ пешгирӣ карда шуд. Инчунин ҳамроҳ бо мақомоти қудратии ҷумҳурӣ аз қочоқчиён ба миқдори 904 кг 240 гр маводи мухаддир, аз ҷумла 21 кг 138 гр героин, 128 кг 203 гр афюн, 755 кг 599 гр бангдона (ҳашиш, чарс), 1 059 135 бех банги худрӯй ва доруҳои мадҳушкунанда 2 267 дона дарёфт ва мусодира карда шуд.
Ин маълумот зимни ҷаласаи ҷамъбастии фаъолияти хизматӣ-ҷангӣ дар соли 2016, ки дар он Раиси Кумитаи давлатии амнияти миллии Ҷумҳурии Тоҷикистон генерал-лейтенант Саймуъмин Ятимов, Фармондеҳи Қӯшунҳои сарҳадӣ генерал-лейтенант Раҷабалӣ Раҳмоналӣ, муовинони Фармондеҳи Қӯшунҳои сарҳадӣ, сардорони раёсатҳои минтақавӣ, командирони отрядҳои сарҳадӣ ва ҷузъу томҳои Қӯшунҳои сарҳадӣ иштирок намуданд, пешниҳод гардид.
Дар ҷаласа зикр гардид, ки дар ин давра намояндагии Қӯшунҳои сарҳадии КДАМ ҶТ бо Ҷумҳурии Исломии Афғонистон- 30, Ӯзбекистон- 43, Қирғизистон-36, Хитой- 9 маротиба вохӯриҳо гузарониданд.
Аз тарафи ҷузъу томҳои ҚС КДАМ ҶТ дар якҷоягӣ бо мақомоти қудратӣ 88 амалиёти махсус, аз он 46 амалиёт дар алоҳидагӣ ва 27 амалиёт бо КДАМ ҶТ гузаронида шуд. Бо қочоқчиёни маводи мухаддир 27 маротиба задухӯрдҳои мусаллаҳона сурат гирифта, 14 қочоқчӣ безарар гардонида шуда, 6 нафар захмӣ ва 18 нафар дастгир шуданд.
Ҳамзамон дар натиҷаи ин амалиёт 27 адад яроқи оташфишони тамғаҳои гуногун ва 1 310 дона тирҳои қутраш гуногун, 3 адад норинҷакҳои дастӣ, маводи тарканда 296 кг, 24 адад лавозимоти ҷангӣ дарёфт ва мусодира гардид. Тавасссути нуқтаҳои гузаргоҳҳои сарҳадӣ 2 404 276 нафар шаҳрвандон, 148 377 адад воситаҳои нақлиёт, 12 831 адад тайёраҳо, 2 851 адад қатораҳо гузаронида шуданд.
Аз қочоқчиёни молҳои ниёзи мардум 86,5 тонна сӯзишвории дизелӣ, 36,5 тонна бензин, 30 тонна гази моеъ, 14 тонна ангиштсанг, 15 тонна пиёз, 17,5 тонна меваи хушк, 18,6 тонна орд, 378 сар моли майда ва калони шохдор, масолеҳи сохтмонӣ зиёда аз 12 тонна, маводи хӯрокӣ 27 тонна ва шираи камол 830 кг дарёфту мусодира гардида, зиёда аз 140 000 сомонӣ ҷарима ба фоидаи давлат ситонида шуд. Аз ҷониби мақомоти назорати сарҳадӣ дар гузаргоҳҳои Сарҳади давлатӣ 932 нафар боздошт шуданд.

Декабрь 30, 2016 11:42

Хабарҳои дигари ин бахш

ҲИСОББАРОБАРКУНИҲОИ ҒАЙРИНАҚДӢ. Дар Вазорати рушди иқтисод ва савдо доир ба дарёфти роҳҳои ҳалли мушкилиҳои ҷойдошта дар ин самт ҷаласа доир гардид
СОЛИ МАЪРИФАТИ ҲУҚУҚӢ. Дар Хоруғ аз ҷониби гурӯҳи корӣ Кодекси андози Ҷумҳурии Тоҷикистон дар таҳрири нав шарҳ дода шуд
Дар шаҳри Норак вобаста ба баланд бардоштани маърифати ҳуқуқии ҷавонон вохӯрӣ доир гардид
Дар ноҳияи Рӯшон омодабошии нерую воситаҳои ҳудудӣ ва захираи сафарбарӣ мавриди санҷиш қарор дода шуд
Дар Душанбе тавсеи ҳамкорӣ байни Маркази тадқиқоти стратегии Тоҷикистон ва Академияи илмҳои ҷамъиятии Чин баррасӣ гардид
Имрӯз дар баъзе ноҳияҳои Тоҷикистон хавфи омадани сел боқӣ мемонад
ТАЪМИНИ АМНИЯТИ ОЗУҚАВОРӢ. Ба хоҷагиҳои кишоварзии шаҳри Норак 61 адад техникаи муосири кишоварзӣ дастрас гардид
Дар шаҳри Хоруғ 120 нақлиёти мусофирбари таксӣ ба фаъолият шуруъ кард
Дар Суди Олии иқтисодӣ Рӯзи Ваҳдати миллиро ботантана таҷлил намуданд
Дар Тоҷикистон ҳаво то 38 дараҷа гарм мешавад
СОЛИ МАЪРИФАТИ ҲУКУҚӢ. Ба ин муносибат дар Донишгоҳи байналмилалии сайёҳӣ ва соҳибкории Тоҷикистон ҳамоиш баргузор шуд
Дар Душанбе дар мавзуи «Таҷдиди Саҳми дар сатҳи миллӣ муайяншудаи Тоҷикистон дар соли 2025» ҳамоиш доир гардид