Суръати афзоиш дар соҳаҳои растанипарварӣ ва чорводорӣ мутаносибан 6,6 ва 7,3 фоизро ташкил дод

ДУШАНБЕ, 15.12.2015. /АМИТ «Ховар»/. Мувофиқи маълумоти оморӣ дар 11 моҳи соли 2016 дар ҳамаи шаклҳои хоҷагидорӣ ҳаҷми умумии маҳсулоти кишоварзӣ ба 20310 млн. сомонӣ расонида шуд, ки нисбат ба ҳамин давраи соли гузашта 6,8 фоиз зиёд буда, суръати афзоиш дар соҳаҳои растанипарварӣ ва чорводорӣ мутаносибан 6,6 ва 7,3 фоизро ташкил медиҳад. Ин нукта зимни ҷамъбасти натиҷаҳои фаъолияти Вазорати кишоварзии Ҷумҳурии Тоҷикистон дар соли 2016 ва вазифаҳо барои соли 2017 таъкид гардид.
«Дар ҳамаи шаклҳои хоҷагидорӣ истеҳсоли ғалладона дар соли 2016 — 1429 ҳазор тонна, картошка 915, сабзавот 1694, полизӣ 581, мева 348, ангур 204, гӯшт 184, шир 775, пашм 6,7, асал 3,9 ҳазор тонна ва тухм 303,4 млн донаро ташкил дод, ки нисбат ба соли 2015 аз 1 % то 24,7 % афзоиш ёфт»,-хабар доданд аз Вазорати кишоварзӣ.
Дар кори ҷаласа баҳри самаранокӣ ва рушди минбаъдаи соҳа дастуру супоришҳои мушаххас дода шуд.
Дар ҷаласа баҳри таъмини амнияти озуқавории кишвар ва дар оянда зиёд намудани майдони кишти зироат, инчунин васеъ намудани майдонҳои гармхонаҳо дар манотиқи ҷумҳурӣ, рушди соҳаи парандапарварӣ ва зотпарварӣ пешниҳодҳои муфид ироа намуданд.
Дар ҷаласа аз ҷониби Вазири кишоварзӣ ба раёсатҳои кишоварзии вилоятҳои Хатлон, Суғд, ВМБК ва ноҳияҳои Ваҳдату Рашт барои саҳми арзанда дар рушди соҳаи кишоварзӣ ва сари вақт таъмин намудани дурнамои ҷамъоварии пахта нишони Вазорати кишоварзии Ҷумҳурии Тоҷикистон супорида шуд.