Дар Хатлон ҷаласаи Шӯрои ташаккули тарзи ҳаёти солим доир гардид

ҚӮРҒОНТЕППА, 04.01.2017 /АМИТ «Ховар»/. Имрӯз дар шаҳри Қӯрғонтеппа аввалин ҷаласаи Шӯрои тарзи ҳаёти солим бо ибтикори мақомоти иҷроияи хокимияти давлатии вилояти Хатлон доир гардид. Ҷаласа таҳти роҳбарии муовини раиси вилояти Хатлон Махфират Хидирзода баргузор шуд.
Дар ҷаласа Махфират Хидирзода зикр кард, ки тибқи «Барномаи миллии ташаккули тарзи ҳаёти солим барои солхои 2011-2020» имсол дар вилоят баргузории барномаҳои гуногун ва корҳои фаҳмондадиҳӣ оид ба пешгирии бемориҳои мухталиф дар назар аст.
«Мақсад аз ташаккули тарзи хаёти солим дар вилоят-ин пешгирии бемориҳои сироятӣ ва паст кардани сатҳи сироятёбӣ ба онҳост»,-зикр шуд дар ҷаласа.
Пешниҳод гардид, ки нақшаи барномаҳои солимгардонӣ дар вилоят аз диди нав тарҳрезӣ карда шуда, ба воситаи он паҳншавии беморихои сироятӣ пешгирӣ карда шавад.