Дар пойтахти мамлакат муҷассамаи «Модар» гузошта мешавад
ДУШАНБЕ, 31.01.2017 /АМИТ «Ховар»/. Шӯрои навбатии занони сулҳовари назди Кумитаи кор бо занон ва оилаи назди Ҳукумати Ҷумҳурии Тоҷикистон, ки ҳадафи он таҳкими сулҳу субот, корҳои созандагию бунёдкорӣ, тарбияи насли ояндасоз дар рӯҳияи ватандӯстию ҳувияти миллӣ мебошад, дар Душанбе баргузор шуд.
Тавре аз Кумитаи кор бо занон ва оилаи назди Ҳукумати Ҷумҳурии Тоҷикистон хабар доданд, аъзои Шӯро нақшаи чорабиниҳо барои соли 2017-ро мавриди баррасӣ қарор дода, пешниҳод намуданд, ки чунин Шӯро дар назди мақомоти иҷроияи маҳаллии ҳокимияти давлатии вилоятҳо ва шаҳру ноҳияҳо низ таъсис дода шавад.
Ба истиқболи Рӯзи Модар аз ҷониби Шӯро баргузор намудани озмунҳои «Келину хушдомани беҳтарин» ва маҳаллаи «Гулфишон» ба нақша гирифта шудаанд. Доир намудани чунин озмунҳо ба мустаҳкамии пояҳои оила ва муносибатҳои оилавӣ, ободу зебо гаштани маҳаллаҳо ва симои шаҳр мусоидат менамояд.
Инчунин доир намудани ҳамоиши модарон дар вилоят, шаҳру ноҳияҳо ба хотири бунёд намудани муҷассамаи «Модар» дар пойтахти мамлакат, баргузории Форуми занони Тоҷикистон, ташкили вохӯриҳои маърифатӣ ва маҳфилҳои фарҳангӣ номгӯи чорабиниҳои Шӯро мебошанд.
Нақшаи чорабиниҳои Шӯрои занони сулҳовар аз 38 банд иборат буда, он марҳила ба марҳила амалӣ карда мешавад.
Дар ҳайати Шӯрои занони сулҳовар собиқадорони меҳнати тамоми соҳаҳои хоҷагии халқи мамлакат мебошанд, ки дар рушду нумӯи кишвар саҳми босазо доранд.
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
Имрӯз дар Тоҷикистон сар задани селҳои пиряхӣ аз эҳтимол дур нест
