Дар соли 2016 варзишгарони шаҳру ноҳияҳои минтақаи Кӯлоб соҳиби 860 медал гардиданд
КӮЛОБ, 14.01.2017 /АМИТ «Ховар»/. Соли 2016 варзишгарони шаҳру ноҳияҳои минтақаи Кӯлоб дар 19 мусобиқаи байналмилалӣ, 66 мусобиқаи ҷумҳуриявӣ ва зиёда аз 200 мусобиқаи вилоятию минтақавӣ иштирок намуда, соҳиби зиёда аз 860 медал гардиданд. Дар ин бора аз бахши ҷавонон, варзиш ва сайёҳии минтақаи Кӯлоб хабар доданд.
Ба иттилои манбаъ, натиҷаи дастовардҳои варзишгарони шаҳри Кӯлоб нисбат ба солҳои гузашта зиёд буда, бо фароҳам омадани шароити тамрин шумораи варзишгарон низ дар мактабҳои варзишӣ зиёд гардида истодааст.
Дар соли 2016 зимни сафари кории Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба шаҳру ноҳияҳои минтақаи Кӯлоб корҳои бунёду навсозии толору майдонҳои варзишӣ ба роҳ монда шуда, баъзе аз онҳо мавриди истифода қарор гирифтанд. Имрӯзҳо тамоми варзишгарони шаҳри Кӯлоб ба тамрин рӯ оварда, зери роҳбарии мураббиёни соҳибтаҷриба ба мусобиқаҳои навбатӣ омодагӣ мегиранд.
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Имрӯз дар баъзе ноҳияҳои Тоҷикистон туман мефарояд
Эъломияи Душанбе оид ба инноватсия ва технологияҳои рақамӣ қабул гардид
Ҷаласаи якуми иҷлосияи сеюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор шуд
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
