Дар ҳузури Сарвазири мамлакат ҷаласаи Кумитаи тадорукоти таҷлили ҷашни 20-солагии Ваҳдати миллӣ баргузор гардид
ДУШАНБЕ, 13.01.2017. /АМИТ «Ховар»/. Имрӯз дар ҳузури Сарвазири мамлакат Қоҳир Расулзода ҷаласаи Кумитаи тадорукоти таҷлили ҷашни 20-солагии Ваҳдати миллӣ баргузор гардид.
Дар ҷаласа масъалаҳои вобаста ба ҷараёни омодагиҳо ва дар сатҳи баланд истиқбол гирифтани ин ҷашни муҳими таърихӣ мавриди баррасӣ қарор дода шуд.
Тавре таъкид гардид, ҷашни Ваҳдати миллӣ, ки мардуми сарбаланди тоҷик ба он бо талошу тадбирҳои бевоситаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ноил гардидаанд, аҳамияти бузурги таърихӣ дошта, истиқболи сазовор аз ин ҷашн нишони олии қадршиносӣ аз суботу оромии комили ҷомеа ба ҳисоб меравад.
Барои дар сатҳи баланди омодагӣ ва бо дастовардҳои шоёни меҳнатӣ таҷлил намудани ин ҷашни миллӣ бо Қарори Ҳукумати Ҷумҳурии Тоҷикистон Кумитаи тадорукот таъсис ёфта, ҳайати он тасдиқ шудааст.
Ҳамчунин нақшаи чорабиниҳои омодагӣ ба истиқболи сазовори ҷашни Ваҳдати миллӣ таҳия шудааст, ки баргузории барномаҳои гуногуни фарҳангию илмӣ, варзишӣ ва вусъати корҳои ободонию созандагиро дар мамлакат фаро мегирад.
Дар ҷаласа аъзои Кумитаи тадорукоти таҷлили ҷашни 20-солагии Ваҳдати миллӣ, барои тақвият бахшидани омодагиҳо, баргузор намудани барномаҳои гуногуни оммавӣ, конфронсу суҳбатҳо, озмуну маҳфилҳои илмию фарҳангӣ, вусъати корҳои ободонию созандагӣ ва дар маҷмӯъ, таъмини иҷрои сифатнок ва саривақтии нақшаи чорабиниҳо вазифадор карда шуданд.
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
