Довар «нокдаун» гирифт

ДУШАНБЕ, 16.01.2017. /АМИТ «Ховар»/. Чемпиони ҷаҳон дар вазни миёна (то 76,2 килограмм) аз рӯи нишондоди Шӯрои байналмилалии бокс (WBC) Баду Ҷеки шведӣ дирӯз ҳангоми рақобат бо соҳиби камарбанди Федератсияи байналмилалии бокс  (IBF) Ҷеймс Дигели англис ғофилан бо зарбаи сахт доварро ба «накдаун» фиристод. Ин лаҳза дар шабакаи YouTube дар бахши Boxing Freaks пайдо шудааст.
Вохӯрии байни ин боксчиён бо натиҷаи мусовӣ анҷом ёфт, аммо довар Артур Мерканти хурдӣ ҳеҷ гоҳ ин мусобиқаро аз ёд фаромӯш нахоҳад кард. Дар лаҳзае, ки ӯ мехост боксчиёнро аз ҳам ҷудо кунад, мушти обдори Баду Ҷек ба ҷоғаш рост омад ва ба нокдаун рафт. Худи боксчӣ доварро аз афтидан боздошт ва аз ӯ узр пурсид.