Гурӯҳи кории вилояти Хатлон дар Норак Паёми Пешвои миллатро шарҳ доданд

НОРАК, 12.01.2017. /АМИТ «Ховар»/. Дирӯз вохўрии гурўҳи кории Мақомоти иҷроияи ҳокимияти давлатии вилояти Хатлон бо кормандони НБО-и «Норак» ба номи Турсун Ўлҷабоев баргузор гардид. Дар вохӯрӣ нуктаҳои асосии Паёми Пешвои миллат муҳтарам Эмомалӣ Раҳмон ба Маҷлиси Олии ҶТ шарҳ дода шуданд. Дар ин бора мудири шуъбаи рушди иҷтимоӣ ва робита бо ҷомеаи шаҳри Норак Ҳабиба Сафарова ба хабарнигори АМИТ «Ховар» иттилоъ дод.
Дар мулоқот Маҳмадӣ Шарифзода, сармутахассиси шуъба оид ба корҳои дин, танзими анъана ва ҷашну маросимҳои миллии Мақомоти иҷроияи ҳокимияти давлатии вилоят, Фазлиддин Шоиддинов, директори неругоҳи «Норак», Қумринисо Гулмуродзода, раиси Кумитаи иҷроияи ҲХДТ дар шаҳр иштирок намуда, зимни баёни нуктаҳои асосии Паёми Пешвои миллат таваҷҷуҳи ҳозиринро ба масъалаҳои ифтихори миллӣ, хештаншиносию меҳанпарастӣ, ҳифзи марзу буми кишвар,, бунёдкорию созандагӣ, худшинос тарбия кардани насли наврас ва дастгирии ташаббусҳои ҷавонону занон равона сохтанд.