Х. Ибодзода: «Соли 2016 беш аз 18 ҳазор санҷишҳои комплексӣ, соҳавӣ ва фаврӣ гузаронида шуданд»
ДУШАНБЕ, 17.01.2017 /АМИТ «Ховар»/. Имрӯз дар маркази матбуоти ҷумҳуриявии АМИТ «Ховар» нишасти матбуотии Кумитаи ҳифзи муҳити зисти назди Ҳукумати Ҷумҳурии Тоҷикистон баргузор гардид. Дар ин бора хабарнигори АМИТ «Ховар» хабар медиҳад. «Яке аз самтҳои асосии фаъолияти Кумитаи ҳифзи муҳити зисти назди Ҳукумати Ҷумҳурии Тоҷикистон пешбурди назорати давлатӣ дар самти ҳифзи муҳити зист мебошад. Дар соли 2016 аз ҷониби нозирони Кумита 18377 санҷиши комплексӣ, соҳавӣ ва фаврӣ гузаронда шуд»,- зикр кард Хайрулло Ибодзода, Раиси Кумитаи ҳифзи муҳити зисти ҷумҳурӣ.
«Дар натиҷаи санҷишҳо ба субъектҳои фаъолияти хоҷагидор барои риоя накардани талаботи қонунгузорӣ дар соҳаи ҳифзи муҳити зист 30 ҳазору 902 адад пешниҳодҳои иҷрояшон ҳатмӣ дода шуданд. Барои риоя накардани меъёру стандартҳои экологӣ ва вайрон намудани талаботи қонунгузории соҳавӣ нисбат ба 10705 нафар шахсони воқеӣ ва ҳуқуқӣ тадбирҳои дахлдор андешида шуданд»,-гуфт Хайрулло Ибодзода.
«Санҷишҳо ба кам кардани партовҳо ба ҳавои атмосфера, ба тартиб даровардани партовҳои истеҳсолӣ ва истеъмолӣ, барқарорсозӣ ва истифодаи оқилонаи сарватҳои табиӣ мусоидат намуда, риоя ва амалӣ гаштани қонунгузориро дар соҳаи ҳифзи муҳити зист таъмин менамояд»,-зикр шуд зимни нишасти матбуотӣ.
КИТОБ — МУФИДТАРИН ИХТИРОИ БАШАР. Имрӯз дар Тоҷикистон Рӯзи китоб аст
Сафири Тоҷикистон бо Вазири энергетика ва маъданҳои Салтанати Умон мулоқот намуд
Имрӯз дар шаҳри Душанбе ҳаво то 31 дараҷа гарм мешавад
«35 СОЛИ СОЗАНДАГӢ ВА РУШДИ МИЛЛӢ». Таҳти чунин унвон ҳамоиши илмӣ-амалӣ доир шуд
БАРОИ АЛОҚА, БАРОИ ОДАМОН, БАРОИ ҶУМҲУРӢ. МегаФон Тоҷикистон дар чоряк асри фаъолият чӣ корҳоро анҷом дод?
Тоҷикистон ва Иттиҳоди Аврупо ҳамкориро дар соҳаи саноати сабук густариш медиҳанд
ИМРӮЗ — РӮЗИ АВИАТСИЯИ ГРАЖДАНӢ. Аз Тоҷикистон ба зиёда аз 20 кишвари ҷаҳон парвозҳо ба роҳ монда шудааст
ГРАНТИ ПРЕЗИДЕНТӢ. Давоми солҳои соҳибистиқлолӣ ба 1395 нафар занон беш аз 45 миллион сомонӣ грант ҷудо гардид
