Иштироки намояндаи Тоҷикистон дар Форуми байналмилалии Гайдар
ДУШАНБЕ,16.01.2017. /АМИТ «Ховар»/. Дар Маскав Форуми VIII байналмилалии Гайдар дар мавзӯи «Россия ва ҷаҳон: интихоби афзалиятҳо» доир гардид. Ҷумҳурии Тоҷикистонро дар ин ҳамоиш Лутфия Абулхолиқзода, ректори Донишкадаи идоракунии давлатии назди Президенти Ҷумҳурии Тоҷикистон намояндагӣ кард.
Форуми мазкур бо ибтикори Академияи хоҷагии халқ ва хизмати давлатии назди Президенти Федератсияи Россия доир гардид. Дар ин хусус ба АМИТ «Ховар» аз Донишкадаи идоракунии давлатии назди Президенти Ҷумҳурии Тоҷикистон итилоъ доданд.
Л.Абдулхолиқзода дар ҷаласаи Шӯрои ҷамъиятии муассисаи заминавии давлатҳои аъзои Иттиҳоди Давлатҳои Мустақил /ИДМ/ оид ба омодасозии кадрҳо дар самти идоракунии давлатӣ, ки дар доираи Форум доир гардид, иштирок намуда, аз таҷрибаи Тоҷикистон гузориш дод. Мавсуф пешниҳод намуд, ки масъалаҳои анҷоми тадқиқоти илмӣ, гузаронидани конфронсҳои муштараки илмӣ-амалӣ ва ташкили амалисозии барномаҳои магистрӣ ва омодасозии аспирантҳо дар доираи ҳамкорӣ ба роҳ монда шаванд. Ҳамзамон Абдухолиқзода дар кори ҷаласаҳои Форум иштирок намуда, доир ба масъалаҳои муҳими рушди бахши хизмати давлатӣ ва идораи давлатӣ дар Тоҷикистон маълумот дод.
Лутфия Абулхолиқзода, ректори Донишкадаи идоракунии давлатии назди Президенти Ҷумҳурии Тоҷикистон зимни мулоқот бо роҳбарияти Академияи хоҷагии халқ ва хизмати давлатии назди Президенти Федератсияи Россия Владимир Мау масъалаҳои марбут ба таҳсили магистрантҳо ва аспирантҳои тоҷик, сифати тайёр намудани мутахассисони бахши хизмати давлатии муосир ва усулҳои навини омодакунии кадрҳои роҳбарикунандаи миллиро матраҳ намуд.
Дар Маскав Л. Абдулхолиқзода бо магистранҳо ва аспирантҳои тоҷик, ки дар Академияи хоҷагии халқ ва хизмати давлатии назди Президенти Федератсияи Россия таҳсил менамоянд, вохӯрӣ анҷом дод.
ҶАМЪБАСТИ НИШАСТҲОИ МАТБУОТӢ. 14 август дар Филиали Донишкадаи энергетикаи Москва дар шаҳри Душанбе нишасти матбуотӣ доир мегардад
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
НИШАСТИ МАТБУОТӢ. Аз ноҳияи Тоҷикобод 20 ҳазору 600 тонна маҳсулоти кишоварзӣ содирот гардид
