Мактаббачагон дар таътили зимистона бо машғулиятҳои ҷолиб фаро гирифта шуданд
ДУШАНБЕ, 30.01.2017 /АМИТ «Ховар»/. Дар таътили зимистона мактаббачагон бо машғулиятҳои ҷолиб банд шуданд.
Тавре ки аз Маркази кӯдакон ва наврасони пойтахт ба АМИТ «Ховар» хабар доданд, дар муддати як моҳ дар мактабҳо барномаҳои фарҳангӣ ва варзишӣ баргузор гардиданд. Аз ҷумла, беш аз ду ҳазор толибилмон дар таҷлили Соли ҷавонон дар боғи устод Рӯдакӣ ҷамъ омаданд.
Дар ин давра инчунин байни хонандагон озмуни иншо ва расми беҳтарин дар мавзӯи «Ҷавонон ва ҷомеаи солим» гузаронида шуд.
Барои хонандагони мактабҳои ҳамагонӣ ва Маркази кӯдакону наврасон инчунин маҳфилҳои эҷодӣ доир шуданд. Дар маҳфилҳо хонандагон ба мутолиаи китобҳои бадеӣ, дарсҳои иловагӣ машғул шуда, ба озмунҳои ноҳиявию шаҳрӣ омодагӣ медиданд.
Инчунин дар ин давра байни толибилмон бахшида ба Рӯзи Артиши миллӣ озмуни сурудҳои ватандӯстӣ эълон гардид. Дар он хонандагони ҳамаи мактабҳои ҳамагонӣ метавонанд ширкат варзанд.
Суруди беҳтарин дар арафаи Рӯзи артиши миллӣ ҷамъбаст хоҳад шуд.
КИТОБ — МУФИДТАРИН ИХТИРОИ БАШАР. Имрӯз дар Тоҷикистон Рӯзи китоб аст
Сафири Тоҷикистон бо Вазири энергетика ва маъданҳои Салтанати Умон мулоқот намуд
Имрӯз дар шаҳри Душанбе ҳаво то 31 дараҷа гарм мешавад
«35 СОЛИ СОЗАНДАГӢ ВА РУШДИ МИЛЛӢ». Таҳти чунин унвон ҳамоиши илмӣ-амалӣ доир шуд
БАРОИ АЛОҚА, БАРОИ ОДАМОН, БАРОИ ҶУМҲУРӢ. МегаФон Тоҷикистон дар чоряк асри фаъолият чӣ корҳоро анҷом дод?
Тоҷикистон ва Иттиҳоди Аврупо ҳамкориро дар соҳаи саноати сабук густариш медиҳанд
ИМРӮЗ — РӮЗИ АВИАТСИЯИ ГРАЖДАНӢ. Аз Тоҷикистон ба зиёда аз 20 кишвари ҷаҳон парвозҳо ба роҳ монда шудааст
ГРАНТИ ПРЕЗИДЕНТӢ. Давоми солҳои соҳибистиқлолӣ ба 1395 нафар занон беш аз 45 миллион сомонӣ грант ҷудо гардид
