«Мо пайравони Пешвои миллатем!»- ҳамоиш дар ноҳияи Ховалинг

ХОВАЛИНГ, 18.01.2017 /АМИТ «Ховар»/. Дар ноҳияи баландкӯҳи Ховалинг бо иштироки беш аз 1000 нафар ҷавонон зери унвони «Мо пайравони Пешвои миллатем!» ҳамоиш доир гардид. Тавре ба хабарнигори АМИТ «Ховар» иттилоъ доданд, ҳамоиши мазкур бахшида ба Паёми навбатии Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон Эмомалӣ Раҳмон ба Маҷлиси Олии мамлакат ва эълон гардидани соли 2017 ҳамчун соли ҷавонон роҳандозӣ гардид.
Ҳамчунин дар ин рӯз дар толори Қасри фарҳанги ноҳия ҷаласаи Шӯрои миллии кор бо ҷавонони назди раиси ноҳия баргузор шуд. Дар он суҳбати озоду ошкоро бо роҳбарияти ноҳия доир гардид.
Хушбахтона, ҷавонони ноҳияи Ховалинг ба ягон ҳизбу ҳаракатҳои террористию экстремистӣ шомил нагардидаанд. Онҳо бо дастуру ҳидоятҳои Президенти мамлакат дар донишгоҳу донишкадаҳои кишвар таҳсили илм карда, дар вазифаҳои роҳбарикунанда фаъолият доранд,- гуфта шуд зимни суҳбат.