Мулоқоти занони шаҳри Хоруғ бо Раиси Кумитаи занон ва оилаи назди Ҳукумати Ҷумҳурии Тоҷикистон
ДУШАНБЕ, 14.01.2017. /АМИТ «Ховар»/. Зимни мулоқот Раиси Кумитаи занон ва оилаи назди Ҳукумати Ҷумҳурии Тоҷикистон Идигул Қосимзода Тағо нуқтаҳои муҳими Паёми солонаи Пешвои миллат ба Маҷлиси Олиро шарҳу тавзеҳ дода, изҳор намуд, ки бо гузашти як сол дар арсаҳои мухталифи кишвари мо дигаргуниҳои назаррас ба амал омаданд ва мардуми мо таҳти раҳбарии Пешвои миллат ба ҳадафҳои стратегии худ, яъне таъмини истиқлолияти энергетикӣ, раҳоӣ аз бунбасти коммуникатсионӣ ва ҳифзи амнияти озуқаворӣ торафт наздиктар мешаванд.
Дар мулоқот зикр гардид, ки гурӯҳҳои даҳшатафкану ифротӣ кӯшиш мекунанд давлатҳои алоҳидаро ба коми оташи ҷанг тела диҳанду ғаразҳои нопоки худро амалӣ созанд. Вобаста ба ин муҳимтарин рисолати ҳар шаҳрванди Тоҷикистон ҳифзи сулҳу суботи кишвар мебошад, зеро миллати тоҷик зарару хисороти ҷанги таҳмилиро бо чашми худ дидааст. Таъкид карда шуд, ки агар кишвари мо ҷанги таҳмилиро пушти сар намекард, роҳи расидан ба зиндагии шоиста боз ҳам кутоҳтар мешуд.
Пешвои миллат дар Паёми солонаи худ бори дигар аз ин солҳои душвор ёд оварда хотиррасон намуд, ки қариб даҳ соли истиқлолият тамоми нерӯ ва талошҳои Ҳукумати кишвар барои барқарор кардани ҳокимияти конститутсионӣ ва рукнҳои давлатдорӣ, пеш аз ҳама, мақомоти ҳифзи ҳуқуқ ва сохторҳои низомӣ, ба Ватан баргардонидани беш аз як миллион нафар фирориён, барқарорсозии баъдиҷангӣ, таъмини сулҳу субот ва ваҳдати миллӣ равона гардид.
Идигул Қосимзода Тағо нақши Пешвои миллат дар баланд бардоштани мақоми зан дар ҷомеаро хеле арзишманд шумурда, изҳор дошт, ки чанд соли охир теъдоди занон дар вазифаҳои роҳбарикунанда рӯ ба афзоиш ниҳодааст.
Имрӯз 23 фоизи шумораи умумии хизматчиёни давлатиро занон ташкил медиҳанд. Дар Паёми навбатӣ низ Пешвои миллат таъкид кард, ки дар оянда дар муассисаҳои низоми бонкӣ, хадамоти алоқа, шуғл ва дигар бахшҳои хизматрасонӣ бештар занону духтарон ба кор ҷалб карда шаванд.
Раиси Кумитаи занон ва оилаи назди Ҳукумати ҷумҳурӣ ҳамчунин ба суолҳои иштирокдорони мулоқот посух гардонд.
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикаи Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
