Намояндаи махсуси Иттиҳоди Аврупо дар Осиёи Марказӣ-Сафир Петер Буриан ба Тоҷикистон меояд

ДУШАНБЕ, 20.01.2017. /АМИТ «Ховар»/. 22-25 январ Намояндаи махсуси Иттиҳоди Аврупо дар Осиёи Марказӣ сафир Петер Буриан ба Тоҷикистон ташриф меоварад
Тибқи нақша сафир Петер Буриан бо Президенти Ҷумҳурии Тоҷикистон Ҷаноби Олӣ Эмомалӣ Раҳмон, Вазири корҳои хориҷии Ҷумҳурии Тоҷикистон Сироҷиддин Аслов ва дигар сиёсатмадорони сатҳи баланд мулоқотҳо анҷом хоҳад дод.
Инчунин сафир Буриан бо муассисаҳои дипломатии муқими Тоҷикистон, созмонҳои байналмилалӣ, шарикони рушд ва намояндагони ҷомеаи шаҳрвандӣ ҷаласаҳо доир хоҳад кард. Сафари мазкур манфиати доимии Иттиҳоди Аврупоро дар густариши муносибатҳои хуб бо Тоҷикистон ва давоми муколамаи озоду сермаҳсул дар тамоми бахшҳои ҳамкорӣ байни Иттиҳоди Аврупо ва Тоҷикистон инъикос менамояд.