Олимони АИ ҶТ дар соли 2016 аз рўи 96 мавзӯъ таҳқиқот гузарониданд

ДУШАНБЕ, 12.01.2017/АМИТ «Ховар»/. «Дар соли 2016 олимони Академияи илмҳои Ҷумҳурии Тоҷикистон таҳқиқотро аз рўйи 96 мавзӯъ, аз ҷумла 64 мавзўи илмӣ-таҳқиқотии бунёдӣ ва 32 мавзўи амалӣ, ҳамчунин 15 лоиҳаи инноватсионӣ идома дода, дар соҳаҳои математика, физика, астрофизика, химия, геология, зилзиласанҷӣ, масъалаҳои об, гидроэнергетика ва экология, амнияти ядроӣ ва радиатсионӣ, рушди инноватсионии илм ва технологияҳои нав, ботаника, физиология ва генетика, зоология ва паразитология, таърих, забон, адабиёт, фалсафа, сиёсатшиносӣ, ҳуқуқ ва иқтисодиёт натиҷаҳои назаррас ба даст оварданд»,- зикр кард Фарҳод Раҳимӣ, президенти Академияи илмҳои Ҷумҳурии Тоҷикистон имрӯз зимни нишасти матбуотӣ.
Инчунин номбурда илова намуд, ки дар ин давра аз ҷониби Академияи илмҳо ва муассисаҳои илмии он ҳамагӣ 64 чорабинии илмӣ, аз ҷумла 4 симпозиуми байналмилалии илмӣ, 1 форуми байналмилалӣ, 8 конференсияи илмии байналмилалӣ, 30 конференсияи ҷумҳуриявӣ, 4 сессияи илмӣ, 10 семинар (аз ҷумла 5 семинари байналмилалӣ) ва 5 суҳбат баргузор карда шуд.