Пагоҳ баргузории 3 нишасти матбуотӣ дар назар аст

ДУШАНБЕ, 18.01.2017. /АМИТ Ховар/. Пагоҳ, 19 январи соли 2017 Вазорати меҳнат, муҳоҷират ва шуғли аҳолии Ҷумҳурии Тоҷикистон, Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ва Раёсати Иттифоқи «Тоҷикматлубот» нишасти матбуотӣ баргузор менамоянд.
Роҳбарони сохторҳои мазкур омодаанд, ки ба суолҳои хабарнигорони ВАО оид ба дастоварду камбудиҳои фаъолияташон дар соли 2016 посух бигӯянд.
Хотиррасон менамоем, ки нишасти матбуотии Вазорати меҳнат, муҳоҷират ва шуғли аҳолии Ҷумҳурии Тоҷикистон соати 9:00, Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон соати 11:00 дар толори Маркази матбуоти ҷумҳуриявии АМИТ «Ховар» ва Раёсати Иттифоқи «Тоҷикматлубот» соати 14-00 дар бинои ҳамин Раёсат, воқеъ дар хиёбони Рӯдакӣ, 137 баргузор мегарданд.
Барои гузаронидани нишастҳои матбуотӣ вазорату идораҳо метавонанд бо Маркази матбуоти ҷумҳуриявии АМИТ «Ховар» бо рақами телефони 918-21-52-04 тамос гиранд.