Порсол дар бахши таҷдиду бунёди роҳҳои кишвар 19 лоиҳаи сармоягузорӣ татбиқ гардиданд

Январь 30, 2017 15:19

ДУШАНБЕ, 30.01.2017/АМИТ «Ховар»/. 19 лоиҳаи сармоягузорӣ ба маблағи беш аз 5,6 миллиард сомонӣ дар соли сипаришуда дар бахши таҷдиду аавсозӣ ва бунёди роҳҳои кишвар татбиқ гардидаанд. Худоёр Худоёрзода, вазири тозатаъйини нақлиёти Ҷумҳурии Тоҷикистон 30 январ дар ҷамъи хабарнигорон дар Душанбе гуфт, ки аз 19 лоиҳа 15-тои он ба навсозии роҳҳои автомобилгард нигаронида шудаанд, ки беш аз 4 миллиард сомонӣ маблағҳои лоиҳавиро ташкил медиҳанд.
Вазири нақлиёти кишвар афзуд, ки дар ин давра дар Тоҷикистон наздик ба 100 км роҳи автомобилгард, 18 пул, беш аз 40 км хати роҳи оҳан ва ба масофаи 3,7 км нақб ба истифода дода шуд. Азнавсозии роҳи автомобилгарди Восеъ- Ховалинг бо масофаи 88 км бо 12 пул ба маблағи 340 миллион сомонӣ, таъмири беш аз 10 км роҳи мошингарди Рашт-Навобод ва як пул аз болои дарёи Сорбоғ ба маблағи 23 миллион сомонӣ, инчунин сохтмони роҳи оҳани Душанбе-Қӯрғонтеппа /қисмати Ваҳдат-Ёвон/ бо дарозии беш аз 40 км роҳ, ки дорои се нақб ва панҷ пул аст, ба маблағи беш аз 980 миллион сомонӣ аз дастовардҳои роҳсозон ва нақлиётчиёни кишвар дар соли сипаригардида мебошад.
Ин дастовардҳо дар самти амалигардонии яке аз се ҳадафи стратегии Ҳукумати Ҷумҳурии Тоҷикистон- раҳоӣ аз бунбасти коммуникатсионӣ ва ба кишвари воҳид табдил додани Тоҷикистон қадами устувор мебошанд.

Январь 30, 2017 15:19

Хабарҳои дигари ин бахш

Теъдоди ҳалокшудагони заминларзаи Бангкок ба 20 нафар расид
Хонандагони тоҷик дар Олимпиадаи байналмилалии Infomatrix — Asia сазовори ҷойҳои намоён гардиданд
Теъдоди ҳалокшудагони заминларзаи Мянма ба 2056 нафар расид
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон ҳаво то 25 дараҷа гарм мешавад
Гурӯҳи тарғиботӣ бо сокинони маҳаллаи Ҷавонони деҳоти Чилгазии Исфара вохӯрӣ намуд
Моҳи апрел дар Тоҷикистон Фестивали гулҳо — «Сайри гули лола» гузаронида мешавад
Имрӯз дар Тоҷикистон ҳавои тағйирёбанда пешгӯӣ мешавад
Аз мактабҳои автомобилии Ташкилоти ҷамъиятии мададгори мудофиаи шаҳрҳои Ваҳдату Турсунзода 493 нафар ба сафи Артиши миллӣ мераванд
Имрӯз дар водиҳои Тоҷикистон ҳаво то 25 дараҷа гарм мешавад
Обуҳавошиносон дар Шанхай шуруъ аз соли 1945 бори нахуст дар моҳи март гармии 30 дараҷаро сабт намуданд
Имрӯз дар Тоҷикистон ҳавои тағйирёбанда пешгӯӣ мешавад