Ректори Донишкадаи соҳибкорӣ ва хизмат: «Дар давраи санҷишу имтиҳонот ситоди зиддикоррупсионӣ ташкил шудааст»
ДУШАНБЕ, 19.01.2017 /АМИТ «Ховар»/. Дар Донишкадаи соҳибкорӣ ва хизмати Тоҷикистон барои пешгирӣ кардани амалҳои коррусионӣ дар давраи санҷишу имтиҳонот ситоди зиддикоррупсионӣ ташкил карда шудааст. Аъзои ситод дар ҷараёни санҷишу имтиҳонҳо иштирок мекунанд. Барои пешгирӣ намудани ин зуҳурот почтаи махсуси электронӣ ташкил карда шудааст, ки танҳо Ректори донишкада онро назорат карда метавонад. Ба воситаи ин почта донишҷӯён мулоҳизаҳои худро бевосита ба Ректори донишкада пешниҳод карда, ҷавобҳои мушаххас мегиранд. Ин суханон имрӯз зимни нишасти матбуотӣ аз ҷониби Диловар Қодирзода, Ректори Донишкадаи соҳибкорӣ ва хизмати Тоҷикистон баён шуданд. Дар ин бора хабарнигори АМИТ «Ховар» хабар медиҳад.
Диловар Қодирзода инчунин зикр кард, ки тамоми санҷишҳо дар донишкадаи мо имрӯз тавассути маркази ягонаи тестӣ сурат мегиранд ва ҳамаи донишҷӯён ба воситаи компютер санҷиш месупоранд. Ба ғайр аз ин, мо ҳар моҳ дар доираи амалисозии нақшаи чорабиниҳо оид ба амалисозии «Стратегияи муқовимат бо коррупсия барои то соли 2020» дар ҳамаи сохторҳои донишкада чорабиниҳо баргузор мекунем. Ҳар шаш моҳ нақшаи нави чорабиниҳо дигар карда мешавад ва вобаста ба вазъи кунунӣ ва ҳолатҳои алоҳида баррасӣ мегардад.
«Яке аз вазифаҳои асосӣ дар ин самт гузаронидани пурсишномаҳо мебошад. Мо дар ҳар нимсолаи таҳсил пеш аз санҷишҳо ва баъди санҷишҳо пурсишнома мегузаронем ва он аз тарафи Раёсати донишкада таҳлил ва баррасӣ карда мешавад»,- гуфт Диловар Қодирзода.








Имрӯз дар ноҳияҳои кӯҳии Тоҷикистон ҳаво то 12 дараҷа гарм мешавад
МегаФон Тоҷикистон: МегаҚувва гигабайтҳоро дучанд менамояд
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд






