Рустам Назарзода бо Виорел Гутсу татбиқи лоиҳаҳои муштарак оид ба зироати кишоварзиро баррасӣ карданд
ДУШАНБЕ, 12.01.2017. /АМИТ «Ховар»/. Дирӯз дар Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон мулоқоти Раиси Кумита Рустам Назарзода бо ҳайати Барномаи озуқа ва кишоварзии СММ (FAO) бо сарварии намояндаи ин созмон Виорел Гутсу баргузор шуд.
Тавре аз Кумита хабар доданд, дар ҷараёни мулоқот масъалаҳои густариши ҳамкорӣ ва татбиқи лоиҳаҳои муштарак оид ба зироати кишоварзӣ, ҳифзи киштзор аз жола дар қаламрави кишвар мавриди баррасӣ қарор гирифтанд.
Дар доираи масъалаҳои баррасишуда ҷонибҳо масоили таъминоти моддиву техникӣ, омӯзиш ва бозомӯзии кормандон, ҳамчунин табодули таҷрибаи кор дар ин самтро муҳокима карданд.
Рустам Назарзода изҳори умед кард, ки ин гуна вохӯриҳо дар оянда низ мунтазам гузаронида шуда, ба иртибот миёни FAO ва Кумитаи ҳолатҳои фавқулода таҳким мебахшанд.
Имрӯз дар баъзе ноҳияҳои Тоҷикистон туман мефарояд
Эъломияи Душанбе оид ба инноватсия ва технологияҳои рақамӣ қабул гардид
Ҷаласаи якуми иҷлосияи сеюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор шуд
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
