Саъдӣ Каримов: «Дастрасӣ ба техника кори кишоварзони 5 ноҳияи вилояти Хатлонро хеле осон кард»
ДУШАНБЕ, 31.01.2017. /АМИТ «Ховар»/. Ба дӯши Марказ татбиқи се лоиҳаи давлатии сармоягузорӣ- лоиҳаи «Беҳсозии сатҳи зиндагӣ дар Хатлон», марҳилаҳои якум ва дуюми лоиҳаи «Рушди чорводорӣ ва чарогоҳҳо» вогузор гардидааст. Татбиқи яке аз онҳо- лоиҳаи «Беҳсозии сатҳи зиндагӣ дар Хатлон», ки ду ноҳияи вилояти Хатлон- Муъминобод ва Шамсиддини Шоҳинро дар бар мегирифт, соли 2016 муваффақона ба анҷом расид. Ин матлабро имрӯз зимни нишасти матбуотӣ директори Муассисаи давлатии «Маркази идораи Лоиҳаи «Рушди чорводорӣ ва чарогоҳҳо» Саъдӣ Каримов ба хабарнигорон иттилоъ дод. Дар доираи татбиқи ин лоиҳа 82 мақомоти худфаъолияти ҷамъиятӣ ташкил шуда, дар асоси эҳтиёҷоти онҳо 118 зерлоиҳаҳо дар ноҳияҳои Муъминобод ва Шамсиддин Шоҳин амалӣ карда шуданд. 98 зерлоиҳа оид ба хариди техника ва мошинолоти гуногун, 7 зерлоиҳа ба сохтмон ва барқарорсозии хатҳои интиқоли барқ, 6 зерлоиҳа ба сохтмони хатҳои оби нӯшокӣ, 3 зерлоиҳа ба сохтмон ва барқарорсозии чоҳҳои обкашӣ, 3 зерлоиҳа ба таъмири роҳҳои дохили деҳаҳо ва 1 зерлоиҳа ба сохтмони гузаргоҳ рост меояд.
Саъдӣ Каримов иброз дошт, ки ҷиҳати таъмини хоҷагиҳои кишоварзӣ бо техника ва бартараф намудани норасоии он аз ҷониби Марказ 238 адад техника ва 1 ҳазору 184 адад мошинолоти гуногун дар ноҳияҳои Муъминобод, Шамсиддини Шоҳин, Балҷувон, Ховалинг ва Темурмалик дастрас ва барои истифода супорида шуданд. Пештар ин ноҳияҳо ба техника ва мошинолоти кишоварзӣ ниёзманд буданд. Онҳо ҳамеша бо техникаҳои кироя кор мекарданд, ки барояшон аз ҷиҳати молиявӣ хеле гарон буд. Баъд аз дастрас намудани техника мутобиқи маълумоти мақомоти ҳокимияти давлатии ноҳияҳои зерҳадаф кишту кор, коркарди заминҳо, боғу токзор, обод намудани роҳҳои дохили деҳаҳо ва дигар корҳои рӯзмарра сари вақт амалӣ шуда истодаанд.
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ багузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
Дар Хуҷанд доир ба масъалаҳои таъмини ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
