Сафари Намояндаи махсуси Иттиҳоди Аврупо дар Осиёи Марказӣ сафир Питер Буриан ба Тоҷикистон ба анҷом расид
ДУШАНБЕ, 26.01..2017 /АМИТ «Ховар»/. 23-24 январи соли 2017 Намояндаи махсуси Иттиҳоди Аврупо дар Осиёи Марказӣ сафир Питер Буриан бо як гурӯҳ намояндагони воломақоми Ҳукумати Ҷумҳурии Тоҷикистон мулоқот анҷом дод. Вай аз ҷумла бо Президенти Ҷумҳурии Тоҷикистон Ҷаноби Олӣ Эмомалӣ Раҳмон, Вазири корҳои хориҷии Ҷумҳурии Тоҷикистон Сироҷиддин Аслов, муовини аввали Раиси Бонки миллии Тоҷикистон Ҷамолиддин Нуралиев, Вазири рушди иқтисод ва савдои Ҷумҳурии Тоҷикистон Неъматулло Ҳикматуллозода мулоқот кард. Сафир Питер Буриан ҳамчунин бо намояндагони ҷомеаи шаҳрвандӣ, ҷомеаи байналмилалии донорон, муассисаҳои молиявии байналхалқӣ, Созмони амният ва ҳамкорӣ дар Аврупо (САҲА), сафирони давлатҳои узви Иттиҳоди Аврупои муқими Тоҷикистон ва Бунёди Оғохон вохӯриҳо гузаронд. Дар ин бора аз Намояндагии Иттиҳоди Аврупо дар Ҷумҳурии Тоҷикистон хабар доданд.
Ҳангоми мулоқотҳо сафир Буриан доираи васеи масоили сиёсӣ ва иқтисодиеро, ки барои арзёбии мушкилоту ситезаҳо, ҳадафҳо ва нақшаҳои рушди минбаъдаи Тоҷикистон муҳим ҳастанд, баррасӣ намуд. Дар ҷараёни вохӯриҳо ҷонибҳо иштироки Иттиҳоди Аврупоро дар тараққиёти иқтисодии Тоҷикистон, ривоҷи муносибатҳои минтақавӣ, соҳаи энергетика ва «Стратегияи нави рушди миллӣ барои солҳои 2016 2030» муҳокима карданд. Иттиҳоди Аврупо омодагии худро барои ҳамкорӣ ва ёрирасонӣ таъкид кард. Дар ин робита тарафҳо тайёриро барои ҷаласаи ояндаи Шӯрои ҳамкорӣ миёни Иттиҳоди Аврупо ва Тоҷикистон ва нақши зеркумитаро барои рушди ҳамкорӣ дар татбиқи Стратегияи рушди миллӣ мавриди баррасии амиқ қарор доданд. Ҷониби Тоҷикистон изҳори ният кард, ки Стратегияи рушди миллиро ба муассисаҳои Иттиҳоди Аврупо ва кишварҳои узви он муаррифӣ намояд, то Иттиҳоди Аврупо дар амалисозии чорабиниҳои зарурӣ кумаки худро бирасонад.
Сафир Буриан даъват намуд, ки Тоҷикистон ислоҳоти иқтисодиро ба хотири расидан ба ҳадафҳои қабулшуда, аз ҷумла нигаҳдории суботи макроиқтисодӣ ва молиявӣ идома дода, ҳалли устувори масъалаҳоеро, ки бо созмонҳои молиявии байналмилалӣ мубоҳиса мешаванд, пайдо кунад.
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ багузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
Дар Хуҷанд доир ба масъалаҳои таъмини ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
