«Шаҳри бехатар» 281 ҳазор қоидавайронкунии ронандагонро ба навор гирифтааст
ДУШАНБЕ, 20.01.2017. /АМИТ «Ховар»/. Дар соли 2016 аз ҷониби ронандагони воситаҳои нақлиёт 281 ҳазор ҳолати қоидавайронкунӣ ба қайд гирифта шудааст. Дар ин бора зимни нишасти матбуотии имрӯза Вазири корҳои дохилӣ Рамазон Раҳимзода иттилоъ дод.
Ба гуфтаи Рамазон Раҳимзода, Маркази низоми худкори «Шаҳри бехатар» барои пешгирӣ кардани ҷиноят таъсири хуб расонидааст. «Қоидавайронкунӣ аз ҷониби воситаҳои нақлиёт сол то сол кам ба қайд гирифта мешавад, чунки вақте зарар ба киса мешавад, мардум инро ҳис мекунанд. Соли гузашта агар ин шумора 356 ҳазор бошад, имсол 281 ҳазор қоидавайронкунӣ ба қайд гирифта шудааст. Тадбирҳое, ки мо андешидем, ҷаримабандӣ ва дигар ҷазоҳо нисбат ба қонуншиканҳо таъсири худро расониданд».
Бояд гуфт, ки «Шаҳри бехатар» ин низоми барномаи видеои назоратӣ аз болои нақлиёт ва шаҳрвандони кишвар мебошад ки аз моҳи ноябри соли 2013 инҷониб ба кор андохта шудааст. Ин низом зери назорати Вазорати корҳои дохилии Ҷумҳурии Тоҷикистон қарор дорад.








Имрӯз дар ноҳияҳои кӯҳии Тоҷикистон ҳаво то 12 дараҷа гарм мешавад
МегаФон Тоҷикистон: МегаҚувва гигабайтҳоро дучанд менамояд
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд






