«Ширкати NIKA.SD.GROUP SP.ZO.O» — и Ҷумҳурии Полша 300 шаҳрванди кишварро ба кор даъват кардааст

ДУШАНБЕ, 20.01.2017. /АМИТ «Ховар»/. Муассисаи давлатии «Агентии бокортаъминкунӣ дар хориҷа» -и Вазорати меҳнат, муҳоҷират ва шуғли аҳолии Ҷумҳурии Тоҷикистон бо «Ширкати NIKA.SD.GROUP SP.ZO.O» — и Ҷумҳурии Полша созишномаи ҳамкорӣ ба имзо расонид. Тибқи созишномаи мазкур шаҳрвандони хоҳишманди кишварамон бо ихтисосҳои дӯзанда (аз ҳисоби занон), сохтмончӣ (хиштчин) ва кормандони беихтисос метавонанд, ки барои фаъолияти меҳнатӣ ба ин кишвар сафарбар гарданд.
Дар ин бора Холбибӣ Ҳасанова, муовини директори Муассисаи давлатии «Агентии бокортаъминкунӣ дар хориҷа» ба хабарнигори АМИТ «Ховар» иттилоъ дода, зикр кард, ки ширкати мазкур зиёда аз 300 ҷойи кориро ба Агентӣ пешниҳод намудаст.
«Хоҳишмандон метавонанд барои гирифтани маълумоти бештар дар ин бора тавассути сомонаи www.khorija.tj ба Агентӣ муроҷиат намоянд», — илова намуд Х.Ҳасанова.