Шоҳмот: ғалабаи аввалини Фаррух Амонатов дар соли 2017
ДУШАНБЕ, 18.01.2017/АМИТ «Ховар»/. Шоҳмотбози маъруфи Тоҷикистон Фаррух Амонатов дар мусобиқаи байналмилалии «Delhi International Open-2017», ки дар Ҳиндустон ба поён расид, ба аввалин ғалабаи худ дар соли нави 2017 комёб гардид. Дар ин бора «facebook.com» дар саҳифаи «15th Delhi International Open Grandmasters Chess Tournament-2017» хабар медиҳад.
Фаррух Амонатов, ки дар рейтинги ҷаҳонии шоҳмотбозон (ФИДЕ) дар ҷои 193-юм аст ва 2619 хол дорад, бо 8,5 имтиёз соҳиби мақоми аввал гардид. Мусобиқа бо тарҳи швейтсарӣ аз 10 дафъаи бозӣ сурат гирифт ва дар он 268 шоҳмотбоз аз 23 давлат иштирок карданд.
Зинаи дуюм ва сеюмро бо 8 имтиёзӣ Гош Диптян аз Ҳиндустон ва Марат Ҷумъаев аз Ӯзбекистон ишғол карданд.
Байни занон дар ин мусобиқа Гулрухбегим Тоҳирҷонова аз Ӯзбекистон пирӯз гардид.
Фаррух Амонатов дар силсилаи рақобатҳо дар 7 бозӣ ғалаба карда, се бозиро мусовӣ анҷом дод.
Соҳиби мақоми аввал бо 400 000, дуюм 300 000 ва сеюм бо 200 000 рупия сарфароз гардиданд.
Дар қаламрави Тоҷикистон заминларза ба амал омад
Имрӯз дар ноҳияҳои алоҳидаи Тоҷикистон туман мефарояд
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
