Шуъбаи Корхонаи протезӣ-ортопедӣ дар шаҳри Хуҷанд бо таҷҳизоти тиббӣ ва истеҳсолӣ муҷаҳҳаз гардонида шуд
ДУШАНБЕ, 18.01.2017 /АМИТ «Ховар»/. 17 январи соли равон дар шаҳри Хуҷанд маросими анҷомёбии «Лоиҳаи таъмири бинои шуъбаи Корхонаи воҳиди давлатии (КВД) Корхонаи протезӣ-ортопедии шаҳри Душанбе дар шаҳри Хуҷанд» баргузор гардид.
Лоиҳаи мазкур дар чаҳорчӯбаи Барномаи кумакҳои бебозгашт барои бахши аъзами аҳолӣ ва амнияти башарӣ (GGP) амалӣ шуда, аз тарафи Ҳукумати Ҷопон барои шуъбаи КВД Корхонаи протезӣ-ортопедии шаҳри Душанбе дар шаҳри Хуҷанд бо маблағи умумии 83,975 доллари ИМА ҳамчун грант маблағгузорӣ шудааст.
Тавре аз Сафорати Ҷопон дар Ҷумҳурии Тоҷикистон ба АМИТ «Ховар» иттилоъ доданд, Лоиҳаи мазкур дар ҳамкорӣ бо Фонди махсуси Кумитаи байналмилалии Салиби Сурх барои кумак расонидан ба одамони имконияташон маҳдуд иҷро шудааст. Ин созмон ҷараёни барқарорсозии биноро назорат карда, баъди таъмир онро бо таҷҳизоти тиббӣ ва истеҳсолӣ муҷаҳҳаз гардонид. Ҳоло бинои шуъбаи КВД Корхонаи протезӣ-ортопедии шаҳри Душанбе дар шаҳри Хуҷанд пурра таъмир гашта, одамони маъюб аз вилояти Суғд метавонанд дар он ҷо муолиҷаи физиотерапевтӣ ва барқарорсозӣ гирифта, протезҳоро таъмир намоянд.
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
Имрӯз дар филиалҳои Донишгоҳи давлатии Москва, Донишгоҳи миллии таҳқиқотии технологӣ «МИСИС» ва Мақомоти иҷроияи ҳокимияти давлатии шаҳри Ҳисор нишасти матбуотӣ доир мегардад
НИШАСТИ МАТБУОТӢ. Аз ноҳияи Тоҷикобод 20 ҳазору 600 тонна маҳсулоти кишоварзӣ содирот гардид
НИШАСТИ МАТБУОТӢ. Дар Донишкадаи тиббии иҷтимоии Тоҷикистон Маркази таҳсилоти баъдидипломӣ таъсис дода шуд
НИШАСТИ МАТБУОТӢ. Дар ноҳияи Рӯдакӣ дар шаш моҳ ба маблағи беш аз 487 миллион сомонӣ маҳсулоти саноатӣ истеҳсол карда шуд
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Дар Тоҷикистон ҷамъоварии ҳосили гандум идома дорад
Дар Тоҷикистон Фестивали якуми байналмилалии санъати сиркӣ баргузор мегардад
