Соли 2016 пешгўиҳои шабонарўзӣ тартиб дода шуданд, ки дурустии онҳо 87%-ро ташкил дод
ДУШАНБЕ, 17.01.2017 /АМИТ «Ховар»/. Аз ҷониби Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон дар соли 2016 365 пешгўиҳои шабонарўзӣ тартиб дода шуданд. Дурустии онҳо 87%-ро ташкил дод, ки нисбат ба ҳамин давраи соли гузашта 3% зиёд мебошад. Ин нуктаро Хайрулло Ибодзода, Раиси Кумитаи ҳифзи муҳити зисти назди Ҳукумати Ҷумҳурии Тоҷикистон имрӯз зимни нишасти матбуотӣ бо хабарнигорон иброз дошт. Мавсуф гуфт: «26 пешгўии зуҳуроти хавфноки метеорологӣ тартиб дода шуд ва дурустии онҳо низ 87%-ро ташкил дод».
Инчунин номбурда зикр кард, ки айни замон аз 56 шабакаи обуҳавошиносӣ дар 49-тои он мушоҳидаҳо гузаронида шуда, мувофиқи реҷа маълумот дар бораи обу ҳаво ба марказ ворид мегардад. Аз шумораи умумии 96 дидбонгоҳҳои обченкунӣ дар 85-тои онҳо мушоҳидаи реҷаи дарёҳо гузаронида шуда, дар 36 дидбонгоҳ сарфи оби дарёҳо чен карда шуданд».








Имрӯз дар ноҳияҳои кӯҳии Тоҷикистон ҳаво то 12 дараҷа гарм мешавад
МегаФон Тоҷикистон: МегаҚувва гигабайтҳоро дучанд менамояд
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд






