Соли 2016 теъдоди нафақагирон 2,8 фоиз афзоиш ёфт
ДУШАНБЕ, 16.01.2017 /АМИТ «Ховар»/. Дар ҷумҳурӣ 642 ҳазору 927 нафар нафақагир буда, ин теъдод нисбат ба ҳамин давраи соли гузашта 17 ҳазору 466 нафар ё 2,8 фоиз афзоиш ёфтааст. Дар ин бора имрӯз, 16 январ зимни нишасти матбуотӣ муовини якуми директори Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон Назокат Одиназода маълумот дод.
Бино ба гуфтаи Назокат Одиназода, дар ин давра андозаи миёнаи нафақаҳои меҳнатӣ 274 сомонӣ, суғуртавӣ 284 сомонӣ ва иҷтимоӣ 144 сомониро ташкил намуд.
«Андозаи миёнаи нафақа дар ҷумҳурӣ 272 сомониро ташкил намуда, нисбат ба ҳамин давраи соли гузашта 42 сомонӣ ё 18,2 фоиз зиёд гардидааст»,- илова намуд муовини якуми директори Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон.
Ба маълумоти Назокат Одиназода дар айни замон ягон супориш оид ба баланд намудани нафақа дар соли 2017 аз ҷониби Ҳукумати кишвар дода нашудааст.
16 июл дар якчанд кумитаю идора нишасти матбуотӣ баргузор мегардад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
